रसूल (सल्लल्लाहु अलैहि वसल्लम) ले हामीलाई भन्नुभएको छ, यदि एक मुस्लिमले समुहका साथ नमाज पढ्छ भने, त्यो उसको घर वा बजारमा पढिएको नमाज भन्दा बीस गुणा राम्रो र पुण्यदायक हुन्छ । त्यसपछि उहाँले त्यसको कारण बताउनुभयो: यदि कुनै व्यक्तिले वुजू गर्छ र राम्रोसँग वुजू गर्छ अनि नमाज पढ्ने मनसायले मस्जिद जान्छ भने उसले चालेको हरेक कदमको बदलामा एउटा पुण्य पाउँछ र उसको एउटा पाप मेटाइन्छ । मस्जिदमा प्रवेश गरेपछि ऊ नमाजको लागि जबसम्म पर्खन्छ, उसले नमाजको पुण्य पाउनेछ र नमाज पढेर आफ्नो ठाउँमा जबसम्म बसिरहन्छ, फरिश्ता (स्वर्गदूत) हरूले उसको लागि यसरी प्रार्थना गरिरहन्छन् : "हे अल्लाह, उसलाई माफ गर्नुहोस्, हे अल्लाह, ऊ माथि कृपा गर्नुहोस्, हे अल्लाह, उसको पश्चात्ताप स्वीकार गर्नुहोस् ।" जबसम्म उसको वुजु भङ्ग हुदैन वा उसले मानिसहरू वा स्वर्गदूतहरूलाई हानि पुर्‍याउने कुनै काम गर्दैन (तबसम्म फरिश्ताहरूले उसको लागि प्रार्थना गरिरहन्छन् ) ।

• व्यक्तिगत रूपमा घर वा बजारमा नमाज पढ्न जायज छ, तर कुनै वैध कारणबिना जमात (सामूहिक नमाज) छोड्दा व्यक्ति पापी हुन्छ ।
• मस्जिदमा जमातका साथ नमाज पढ्नु एक्लै पढ्नु भन्दा २५ वा २६ वा २७ दर्जा उत्तम हो ।
• फरिश्ता (स्वर्गदूत) हरूको कार्यहरु मध्ये एउटा कार्य भनेको मुमिनहरूको लागि दुआ (प्रार्थना) गर्नु हो ।
• यो हदीसले मस्जिदमा वुजू गरेर जानु कति पुण्यदायक कार्य हो भन्ने कुरा प्रस्ट पार्छ।

1. home
2. फिकह र उसूले फिकह
3. इबादत (उपासना) को न्यायशास्त्र
4. सलाह (नमाज)
5. सामूहिक सलाहको सद्गुण र यसका नियमहरू
6. hadith

• के तपाईं अजान सुन्नुहुन्छ ?" उनले जवाफ दिए, "हो, म सुन्छु" त्यसपछि उहाँले भन्नुभयो: "त्यसो भए तपाइँ नमाज पढ्न मस्जिदमा आउनुपर्छ ।...
• जसले लसुन वा प्याज खाएको छ, ऊ हामीबाट टाढा रहोस् - वा उहाँले भन्नुभयो: हाम्रो मस्जिदबाट टाढा रहोस् र आफ्नो घरमा बसोस्।...
• जो बिहान वा बेलुका मस्जिद जान्छ, अल्लाहले उसको लागि स्वर्गमा स्वागतका लागि स्थान तयार गर्नुहुन्छ, हरेक पटक जब ऊ बिहान वा बेलुका मस्जिद जान्छ।...
• “(नमाजमा) पुरुषहरूको लागि सबैभन्दा उत्तम पङ्क्ति (सफ) पहिलो पङ्क्ति हो र सबैभन्दा नराम्रो पङ्क्ति अन्तिम पङ्क्ति हो। त्यस्तै गरी, महिलाहरूको लागि सबैभन्दा उत्तम पङ्क्ति अन्तिम पङ्क्ति हो र सबैभन्दा नराम्रो पङ्क्ति पहिलो पङ्क्ति हो।”...