Nabigu-naxariis iyo nabadi korkiisa ha ahaatee- wuxuu baray Cabdullaahi Binu Mascuud-Allaha ka raali noqdee- ataxiyaadka salaada la akhriyo, isagoo gacanta ganta u saaray, si uu Nabigu scw Ibnu Mascuud u soo jeediyo sida marka uu suurad qur'aanka ah barayo oo kala, arinkaasina wuxuu ina tusayaa dadaalka uu Nabigu-naxariis iyo nabadi korkiisa ha ahaatee-ku bixinayey Ataxiyaadka Eray ahaan iyo macno ahaanba. Nabigu scw wuxuu ku yiri: " Ataxiyaatu lilaah'': waana hadal iyo ficil kasta oo tusaya wayni iyo qadarin, dhamaanteedna Ilaahay casa wajala ayaa xaq u leh. " Asalawaatu'': waana salaada la yaqaan, faralakeeda iyo sunaheeduba Ilaahay ayey u sugnaatay. " Adayibaatu" waa hadalada iyo ficilada iyo sifooyinka wanaagsan ee tusaya kaamilnimada dhamaanteedna Ilaahay ayey u sugnaatay. " Asalaamu calayka ayuha Nabiyu wa raxmatu Allaahi wa barakaatuh '': Nabiga scw ayaa loogu ducaynayaa in Ilaahay ka nabadgeliyo aafo iyo wax xun oo dhan uuna u siyaadiyo una badiyo khayr oo dhan. " Asalaamu calaynaa wa calaa cibaadi Allaahi saalixiina": Waa duco nabad loogu ducaynayo qofka tukanaya iyo Adoon kasta oo saalix ah oo ku sugan samada ama dhulka. "Ash hadu allaa ilaaha Ilaa Allaah": Waxaan qirayaa qiritaan ga'aan inaanu jirin macbuud xaq lagu caabudo oo aan Ilaahay ahayn. " Wa ana Maxamadan cabduhu wa-Rasuuluh': Nabi Maxamad waxaan u qirayaa adoonimo iyo Risaalada khatimada ah. Nabigu -naxariis iyo nabadi korkiisa ha ahaatee- ka dib wuxuu ku booriyey qofka tukanaaya inuu ducaduu doono ku ducaysto.

• Booska Ataxiyaatku waa fadhiga ka danbeeya sujuuda u danbaysa salaad walba, iyo rakcada labaad ka dib salaadaha sadexda rakco ah iyo kuwa afarta racko ahba.
• Ataxiyaadku waa waajib in lala yimaado, waxaana banaan in qofku ku ataxiyaadsado Ereyada ataxiyaadka ku soo arooray ee Nabiga scw ka sugnaaday kii uu doono.
• Waa banaan tahay in salaada dhexdeeda lagu ducaysto hadaanu wax dambi ah ahayn.
• Waxaa suna ah ducada inuu qofku naftiisa ka bilaabo.