A Abbaas kõta kibare, -Wẽnd yard be a yĩnga-tɩ yẽ rag n yaa bi-bilfu, n lagem Nabiyaamã -Wẽnd pʋʋsg la A tɩlgr be a yĩnga- t'a yeel-a -Wẽnd pʋʋsg la A tɩlgr be a yĩnga-: tɩ m na yeel-f-la yεla tɩ Wẽnd naf-f ne-ba: Gũus Wẽnde, tɩ tũud ne fo sẽn na n gũus A saglsã n naag A sẽn gɩdgã, ne A sẽn na n mik foom A tũud-rãmbẽ wã la A ra yãnd foom Wẽnd kɩɩsgẽ wã la zunuub-rãmbẽ wã ye, fo sã n maan rẽnda, fo rolbã yaa tɩ Wẽnd na n gũ-f lame n yi dũni la laahr yel-kiti la A gũ foom fo yεlã pʋgẽ, fo sẽn teesẽ fãa. F sã n rat n kos bũmbu, bɩ f ra kose, rẽnda Wẽnde, bala yaa Yẽnda A Yembr bal la sẽn sakd bõosdbã boollã. La f sã n wa rat sõngre, bɩ f ra kos sõngr tɩ sã n ka Wẽnde. La f tall bãng-n-wãaka tɩ ad nafa ka tõe n paam foom, baa tɩ tẽngã neb fãa gill sã n tigim taaba n rat n na n naf-fo sã n ka Wẽnd sẽn gʋls n kõ foom, la nang kõn n tol n paam foom me, baa tɩ tẽngã neb gill tigim taaba n rat n nams foom, rẽndame tɩ yaa Wẽnd sẽn kord bũmb ningã tɩ na n paama foomã. La ad yel-kãngã, Wẽnd gʋls-a lame, A Naam yɩ wagelle la A kord-a n zems ne Wẽnd Minimã sẽn tʋll bũmb ningã, la Wẽnd sẽn gʋls bũmb ning me ka tedgde.

• Hadiisã wilgda tʋlsem kãsẽng sẽn be koam bãanegã la koam-bi, b wilg-ba b dĩinã yellã sẽn yaa Wẽnd yembgo la zʋgd-rãmba la zẽng sẽn ka rẽnda.
• Rolbã yɩtɑ wɑlɑ tʋʋmdã buudu.
• B sagendame tɩ f tik Wẽnde, la f bobl-f meng ne Wẽnde la f bas zẽng sẽn ka Wẽnde, Wẽnd me la bobendbã sẽn yɩɩd sõmblem.
• A wilgdame tɩ b kõ sɩda ne Wẽnd bʋʋdã la A pʋlengã, la f yard ne rẽ la f bãng tɩ Wẽnd korda bũmbã fãa.
• Ned ning sẽn yεεba Wẽnd sagellã, rẽnd Wẽnd yεεbd-a lame, la Wẽnd ka na n gũus-a ye.