Ibnu Abbaas ina habra wonde ko o suko o wonno hombo waɗɗadii e Annabi yo o his, Oon maakani mbo: pellet mbeɗa anndin ma geɗe ɗe Alla nafirat ma: Reenru Alla siinude jamirooɗe makko e reen-taade kaɗaaɗe makko, o tawma e ɗoftaare e geɗe ɓallinooje Alla, O tawataa ma e goopi e bakkatuuji, si a waɗii ɗuum njoɓdi ma wona reeneede e boneeji aduna e laakara, Alla wallu ma e haajuuji ma kala ɗo paandiɗa. Si a faalaama ñaagaade hunde, ñaaga Alla tan sabu ko kanko tan jaabato ñaagatooɓe. Si a faalaama ballal woto wallakino mbo wonah Alla. Yanane a heɓatah nafoore si yimɓe leydi ndi fof ndentii ngam nafde ma si wonah ko Alla winndan ma ko, a heɓatah lorla si yimɓe aduna ɓe fof ndentii ngam lorde ma si wonah ko Alla hoddiri ko e dow ma. O fiyaaku Alla winndii mbo O hoddari mbo fotde ñeeñal makko e ganndal makko hay gooto waylata ko Alla winndi ko.

• Himmude anndinde sukaaɓe e famarɓre fiyakuuji diine e neediiji e ko wonah ɗuum.
• Njoɓdi fawii ko e leñol golle.
• Yamiraama fawaade e Alla, e wakkilaade e makko tan, ko kanko woni bakkilteeɗo moƴƴo.
• Gooŋɗinde ñaawoore e hoddire e weleede ɗuum, e wonde Alla hoddiri kala huunde.
• Kala jeebiiɗo yamiroore Alla? pellet Alla yeeboo mbo te O reenataa mbo.