Manazava i Mpaminany (S.W.A) fa Tompo Allah dia nanome ohatra amin'ny làlana mahitsy tsy misy fiolakolahana, amin'ny ilan'ny roa misy tamboho roa izay mandrakotra Azy, io tamboho roa io no fetran'i Tompo Allah, ka manelanelan'ny tamboho ireo dia misy varavarana misokatra, izany dia ireo zava-boarara rehetra. Ary eo am-baravarana misy lambam-baravarana manify, izay tsy hatazanan'ireo Mpandalo ny ao anatiny, ary eo ambaravaran'ilay làlana dia misy Mpiantso manoro azy ireo, milaza hoe : ry Olombelona, midira ao amin'ny làlana Ianareo rehetra, ary aza mivilivily havia na havanana, io Mpiantso io dia Bokin'i Tompo Allah. Ary mbola misy Mpiantso iray hafa eo ambonin'ny làlana; ka io Mpiantso io rehefa misy manana eritreritra hanokatra ny varavarana dia mampitandrina hoe : Lozanao ! Aza sokafana io varavarana io, raha manokatra io Ianao dia hiditra ao ary tsy ho afaka hisakana ny Tenanao tsy hiditra Ianao. Ka ilay Mpiantso eny ambony dia mpananatra ao am-pon'ny Mpino rehetra ".

• Ny finoana Islamo no fivavahana marina, ary io no làlana mahitsy mitondra Antsika makany amin'ny Paradisa.
• Voadidy hifikitra amin’ny fetran’ i Tompo Alla sy izay azo atao sy voarara, ary ny fahamaizana amin’izany dia mitarika ho amin’ny faharendrehana.
• Ny hasin’ny Boky masina KOROANY sy ny famporisihana amin'ny fanatanterahana izay voasoaratra ao, Satria mirakitra fitarihana sy fahazavana ary fahombiazana izany.
• Ny famindram-pon’ I Tompo Allah amin’ny Mpanompony sy izay napetrany ao am-pon’ny Mpino no misakana azy ireo sy manoro hevitra azy ireo tsy ho latsaka ao anatin’ny Loza.
• Allah, noho ny famindram-pony, dia namorona sakana ho an’ny mpanompony izay manakana azy ireo tsy ho latsaka ao amin’ny fahotana.
• Anisan’ny fomba sy endrika ny fampianarana dia ny fanomezana ohatra mba entina hitondrana ireo fanazavana hitondra amin'ny fanakakaizana kokoa.