Annabi yo jam e kisal ngon e mum ina feññina: Alla tottarii yeru islaam ko laawol pooccingol (dartigol)ngol alah ko wooñi e mum, ina e seraaji ngol laawol, galli ɗiɗi wollo mahdiiji ɗiɗi hoɗi piiltarii ngol banngeeji ɗiɗi, ɗiin ngoni keeri Alla, ina e ɗii galli dame udditaaɗe ko ɗeen ngoni geɗe ɗe Alla harmini, ina e ɗeen dame ridooji kaɗatɗi yiide gonɗo nder majji, ina e arwannde laawol he noddoowo yimɓe hombo feewnaɓe o wi'aɓe: jahe mbaason wooñaaraade e banngeeji laawol he, o noddoowo woni Defetere Alla nde, ina toon kadi noddoowo goɗɗo hombo e dowo laawol; o noddoowo kala de jahoowo e laawol he himmiri udditde huunde e ridooji gonɗi e dame he o furoo ɗum o wi'a: Woy heege ma woto uddit! sabu si a uddatii ɗum naata heen, a waawatah nanngude fittaandu ma naatde toon, o noddoowo woni baajatoowo gonɗo e ɓernde kala juulɗo.(alsilame)

• Ko Islaam woni diine goongo, kammba woni laawol pooccingol jottinatngol aljanna.
• Waɗɗaade jaggitaade e keeri Alla e ko O harmini e ko o dagni, kala belsandiiɗo heen o halko.
• Ɓural Quraana tedduɗo o e hirjinde e gollirde mbo, ko e ɗuum woni peewal e annoore e malal.
• Yurmeende Alla wonande jiyaaɓe Makko ko O waɗi ko e ɓerɗe maɓɓe ko haɗataɓe waajooɓe ngam waasde yande e geɗe kalkooje.
• Alla e yurmeende Makko O waɗanii jiyaaɓe ɓe ko haɗata ɓe yande e goopi.
• Ina jeya e laabi jannganirɗi tottirde yeruuji ngam ɓallinde maanaaji e laɓɓinde.