Усман (Аллах андан ыраазы болсун) Пайгамбардын (ага Аллахтын тынчтыгы жана мактоосу болсун) дааратынын сыпатталышын иш-жүзүндө, өтө ачык болсун деп үйрөттү. Ошентип, ал идишке суу алдырды да үч жолу эки колун жууп, андан кийин оң колун идишке салып, сууну алып, оозуна айлантып, кайрадан сууну чыгарды. Андан кийин сууну мурдунун ичине чейин тартып, анан аны чыгарып чимкирди. Анан үч жолу жүзүн жууду, анан эки колун чыканактары менен үч жолу жууду. Анан суу болгон колу менен башына бир жолу масх тартты. Андан кийин үч жолу кызыл ашыгы менен кошо бутун жууду. Усман (Аллах андан ыраазы болсун) даарат алып бүткөндөн кийин Пайгамбар (ага Аллахтын тынчтыгы жана мактоосу болсун) ушундай даарат алып жатканын көргөнүн айтып, аларга Пайгамбар мындай деп сүйүнчүлөгөнүн да айтты: "Ким Пайгамбар даарат алган сыяктуу даарат алып, эки рекет намазды тынчтанып, жүрөгүн Улуу Раббисине тапшырып окуса, анда Аллах Таала бул толук даараты үчүн жана бул чын ыклас менен окулган намаз үчүн анын мурунку күнөөлөрүн кечирүү менен сыйлайт".

• Даараттын башталышында колду идишке салуудан мурда, уйкудан турбаган болсо да эки колду жууш сооптуу амалдардан. А эгерде түнкү уйкудан турган болсо, анда эки колун сөзсүз жууш керек.
• Мугалим окуучу үчүн билимди түшүндүрүүдө жана бекем илим алууда эң мыкты ыкмаларды тандашы керек. Мына ошол түшүндүрүү ыкмаларынан иш жүзүндө көрсөтүп үйрөтүү.
• Намаз окуп жаткан адам дүнүйө иштерине байланыштуу ойлордон алыс болушу керек. Ошондуктан намаздын толук бүтүшү жана кемчиликсиз болушу андагы жүрөктүн даярдыгына жараша болот. Антпесе, ойлордон сактана албайт. Ал өзүнүн напсине каршы күрөшүп, ага алданып калбашы керек.
• Оң жактан баштап даарат алуу мустахаб (3) амалдардан.
• Оозду чайкоо менен мурунга суу алып кайра чыгаруунун ортосундагы тартиптин шарият мыйзамына киргизилүүсү.
• Бетти, эки колду, эки бутту үч жолудан жууш мустахаб амалдардан. Ал эми бир жолу жууш важиб.
• Аллахтын өткөн күнөөлөрдү кечирип жибериши эки нерсенин негизинен келип чыгат. Алар: хадисте айтылган сыпаттарга ылайык даарат алуу жана эки рекет намаз окуу.
• Даарат алып жатканда ар бир мүчөнүн жуулучу чеги бар. Демек даарат алып жаткандагы беттин чеги: баштын чач чыккан жеринен баштап сакал менен ээктин астына чейин жана туурасынан кулактан кулакка чейин. Колдун чеги: манжалардын учунан чыканакка чейин, бул билек менен колдун үстүнкү мууну. Баштын чеги: баштын чач чыккан жеринен баштап беттин капталынан моюндун өйдө жагына чейин. Эки кулакка масх тартуу да баштын чегине кирет. Ал эми буттун чеги: бут менен балтырдын ортосундагы кызыл ашыкка чейин.

1. home
2. Фыкх жана анын усулдары
3. Ибадаттардын илими
4. Даарат
5. Даарат алуу
6. Даараттын сыпаты
7. hadith

• Суу жетпеген согончокторго азап болот, дааратты жеткиликтүү алгыла!" - деди
• Чындыгында. Пайгамбар (ага Аллахтын тынчтыгы жана мактоосу болсун) эки жолудан, эки жолудан жууп даарат алды
• Силерден бирөөңөр уйкудан турганда мурдун үч жолу кеңилжээрине чейин тазалап жуусун. Анткени шайтан мурундун кеңилжээринде түнөйт...
• Пайгамбар (ага Аллахтын тынчтыгы жана мактоосу болсун) бир жолудан, бир жолудан жууп даарат алды