پێغەمبەر -صلى اللە علیە وسلم- ڕۆژێكیان نوێژی بەیانی ئەنجامدا، پاشان پرسیاری كرد: ئایا فڵان ئامادەی ئەم نوێژەمانە؟ هاوەڵان ووتیان: نەخێر. پاشان فەرمووی: ئایا فڵان -كەسێكی ترە- ئامادەیە؟ ووتیان: نەخێر. پێغەمبەر -صلى اللە علیە وسلم- فەرمووی: نوێژی بەیانی وعیشا ؛ قورسترین نوێژەكانن لەسەر مونافیق. بەهۆی زاڵبوونی تەمەڵی بۆ ئامادەبوونیان، وڕیا وپێش چاویان كەم دەستدەكەوێت، ولە ڕووناكیدا نابینرێن. پاشان فەرمووی: ئەی ئیمانداران ئەگەر بتانزانیایە نوێژی بەیانی وعیشا چەندێك پاداشتی زۆریان تێدایە -چونكە پاداشت بەپێی ناڕەحەتیە- ؛ ئەوا بۆی دەهاتن ئەگەر لەسەر گاگۆڵكێش بێت -لەسەر دەست وئەژنۆكان-. ڕیزی یەكەم نزیكن لە ئیمامەوە وەكو نزیكی ڕیزی یەكەمی فریشتەكان لە الله -سبحانه وتعالی-، وئەگەر ئیمانداران بیانزانیایە فەزڵ وپاداشتی ڕیزی یەكەم چەندە؛ ئەوا كێبڕكێیان دەكرد لەسەری، ونوێژی پیاو لەگەڵ پیاوێكی تر ؛ خێرترە لە نوێژكردنی بەتەنها، ونوێژكردنی لەگەڵ دوو پیاو خێرترە لە نوێژی كردنی لەگەڵ پیاوێك، وئەو نوێژەی ژمارەیەكی زیاتر لە نوێژخوێنان تێیدا ئامادەیە؛ ئەمە باشترە وخۆشەویستترە لەلای الله.

• ڕێگەپێدراوە ئیمام -پێشنوێژ- پرسیار بكات سەبارەت بە حاڵی نوێژخوێنەکان، وپرسیارکردن سەبارەت بە ئەوەیان کە ئامادەى نوێژی جەماعەت نەبووە.
• بەردەوام بوون لەسەر ئەنجامدانى نوێژ بە جەماعەت، وبەتایبەت نوێژی بەیانی وعیشا ؛ لە نیشانەی ئیمان وباوەڕە.
• مەزنی پاداشتی هاتن بۆ نوێژی بەیانی وعیشا بە جەماعەت؛ چونکە هاتن بۆ ئەم دوو نوێژە بەتایبەت جیهادکردنی نەفس وئارامگرتنی تێدایە لەسەر پەرستنی خواى گەورە، بۆیە پاداشتیان گەورەترە لە نوێژەكانی تر.
• نوێژی جەماعەت دادەمەزرێت ودروستە بە ئامادەبوونی دوو كەس یان زیاتر.
• ڕوونكردنەوەی فەزڵ وپلەوپایەی ڕیزی یەكەم، وهاندان بۆ دەستپێشخەری كردن بۆی.
• فەزڵ وپلە وپایەى زۆر كۆبوونەوەی خەڵکی بۆ ئەنجامدانی نوێژی جەماعەت، هەتاوەکو ژمارەی نوێژخوێنەکان زۆرتر بێت ئەوا پاداشتی نوێژەکە زیاترە.
• کردەوە چاکەکان هەندێکیان فەزڵیان زیاترە لە هەندێکی تریان ؛ ئەمیش بەپێی پلەی بە باشتردانانیان لەلایەن شەریعەتەوە، هەروەها ئەو سیفەت وحاڵەتانەی پەیوەستە پێوەی.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. فەزڵی نوێژی جەماعەت وحوکمەکانی
6. فەرموودە

• نوێژکردن لەگەڵ کۆمەڵ بیست وحەوت هێندەی پاداشتی نوێژکردنی یەکێکتانە بە تەنها
• ئەی خەڵکینە، ئێوە لە دوو ڕووەک دەخۆن کە وا دەبینم ئازاردەرن: پیاز، وسیر
• ئەوەى سیر یان پیاز بخوات؛ ئەوا با لێمان دوور بکەوێتەوە -یان فەرمووی: با دوور بکەوێتەوە لە مزگەوتەکانمان-، وبا لە ماڵەکەى دابنیشێت
• ڕیزی پێشەوە تەواو بکەن، پاشان ئەوەی لە دوای دێت، و ئەگەر هەر کەموکورتییەک هەبوو؛ ئەوا با لە ڕیزی کۆتاییدا بێت