پێغەمبەر -صلى اللە علیە وسلم- ڕوونیدەكاتەوە كە پاداشتی ئەنجامدانی نوێژی كۆمەڵ بۆ پیاو لەگەڵ ئیمامدا؛ بیست وپێنج هێندەی پاداشتی نوێژ كردنیەتی بە تاك لە ماڵەوە یان لە دوكانەكەیدا، پاشان پێغەمبەر -صلى اللە علیە وسلم- باسی ئەوەی كرد كە فریشتەكانی شەو وڕۆژ كۆدەبنەوە لە نوێژی بەیانیدا، دواتر ئەبو هورەیرە -ڕەزای خوای لێبێت- ئەم ئایەتەی وەكو بەڵگەیەك هێنایەوە لەسەر ئەم باسە، ووتی: بخوێننەوە ئەگەر ویستتان: ﴿إِنَّ قُرْآنَ الفَجْرِ كَانَ مَشْهُودًا﴾ واتە: ﴿بەڕاستی قورئان خوێندنی نوێژی بەیانی ھەمیشە دەبینرێت وشاهێدی لەسەر دەدرێت (لەلایەن فریشتەکانی شەو وڕۆژەوە)﴾. [الإسراء: 78]، واتا: نوێژی بەیانی فریشتەكانی شەو وڕۆژ ئامادەی دەبن وشاهێدی لەسەر دەدەن.

• ئیبن حەجەر وئیبن دەقیقی عید دەڵێن: ئاماژەیە بۆ ئەوەی نوێژكردن لە مزگەوتدا بە كۆمەڵ پاداشتی زیاترە لە نوێژكردن لە ماڵ وبازاڕ؛ ئینجا ئەمان بە تاك یان بە كۆمەڵ ئەنجامی بدەن.
• ئاماژەیە بۆ فەزڵ وپلەپایەى نوێژی بەیانی؛ چونکە فریشتەکان بەتایبەتی لەو نوێژەدا کۆ دەبنەوە.
• ئیبن باز دەڵێت: دەبێت ئیماندار بەپەرۆش بێت لەسەر بەردەوامبوون لە ئەنجامدانی نوێژی كۆمەڵ، ئەگەرچیش ماڵەكەی دوور بێت لە مزگەوت؛ بۆئەوەی ئەم خێر وپاداشتە بەدەست بهێنێت.
• بۆ خستەڕووی لێكدانەوەیەكی دروست سەبارەت بەو گێڕانەوانەی دەڵێت نوێژی كۆمەڵ پاداشتی زیاترە لە نوێژی تاك بە بیست وحەوت پلە، وئەو گێڕانەوانەی دەڵێت بیست وپێنج پلە؛ نەوەوی دەڵێت: بۆ كۆكردنەوە ولێكدانەوەی ئەم بابەتە سێ بۆچوون هەیە: 1- هیچ پێكدادانێك نییە لە نێوانیان، چونكە باسكردنی ژمارەیەكی كەمتر مانای ئەوە نییە ژمارە زۆرەكە پەسەند نەبێت، وباسكردنی ژمارەیەك بەتایبەتی؛ مانایەكی پوچەڵە لەلای زانا ئسوڵیەكان. 2- لەوەیە سەرەتا باسی ژمارە كەمترەكەی كردبێت پاشان خوای گەورە -سبحانه وتعالی- پێی ڕاگەیاند كە پاداشت وفەزڵی زیادی كردووە وئەویش بە خەڵكی ڕایگەیاند. 3- لەوەیە پاداشتی چەندجاربوونی پاداشت جیاواز بێت بەپێی جیاوازی نوێژخوێنەكان ونوێژەكە، بۆ هەندێكیان بیست وپێنج وبۆ هەندێكی تر بیست وحەوت؛ بەپێی كامڵێتی نوێژ وپارێزگاری كردن لە شێواز وخشوعی وزۆری ژمارەی نوێژخوێنەكان وفەزڵیان وڕێزداری شوێنەكە وهتد، وخودا زاناترە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. فەزڵی نوێژی جەماعەت وحوکمەکانی
6. فەرموودە

• ھەر کەسێک گوێی لە بانگ بوو، و وەڵامی بانگی نەدایەوە (نەهات بۆ نوێژی جەماعەت)؛ ئەوا نوێژەکەی کامڵ نییە، مەگەر بیانویەکی شەرعی ھەبێت
• هەرکەسێک بەیانیان یان ئێواران بچێت بۆ مزگەوت، ئەوا خواى گەورە میواندارییەکی ڕێزلێگیراوانەى بۆ ئامادە دەکات لە بەهەشتدا
• ئەم دوو نوێژە (نوێژی بەیانی وعیشا) قورسترین نوێژن لەسەر مونافیقەکان (دوو ڕووەکان)، ئەگەر دەتانزانی چی تێدایە (لە فەزڵ وپاداشت)؛ ئەوا بۆی دەهاتن ئەگەر لەسەر چۆکەکانیش بووایە...
• ئەگەر قامەت كرا بۆ نوێژی (ی فەرزی بەكۆمەڵ)؛ ئەوا هیچ نوێژێک نییە (دروست نییە ئەنجام بدرێت) جگە لە نوێژە فەرزەکە