پێغەمبەر -صلى اللە علیە وسلم- پێمان ڕادەگەیەنێت كە خێرترین ڕیزەكانی پیاوان لە نوێژدا كە زۆرترین پاداشت وفەزڵیان بۆ هەیە ؛ ڕیزەكانی یەكەمن، چونكە نزیكترینن لە ئیمام لەڕوانگەی بیستن وشتی ترەوە، ودوورن لە ئافرەتان، وخراپترین ڕیزەكانی پیاوان ؛ ڕیزەكانی پاشەوەن چونكە پاداشت وفەزڵیان كەمترە ودوورترن لە داواكارییەكانی شەریعەت. خێرترین ڕیزەكانی ئافرەتان ئەوانەی پاشەوەن ؛ چونكە داپۆشراوترە بۆیان، ودوورترن لە تێكەڵبوون لەگەڵ پیاوان ولە سەیركردنیان ولە تووشبوون بە فیتنە، وخراپترینیان ڕیزەكانی پێشەوەن؛ چونكە نزیكترینن لە پیاوان ولە تووشبوون بە فیتنە.

• هاندانی پیاوان بۆ پەلە كردن وڕۆیشتن بەرەو پەرستنەكان وئامادەبوون لە ڕیزەكانی یەكەمدا لە نوێژەكان.
• نوێژکردنی ئافرەتان لەگەڵ پیاوان لە مزگەوتدا ؛ ڕێگەپێدراوە، بەڵام بە مەرجێک ڕیزەکانیان لەیەك دوور بێت ولە پاشی پیاوانەوە بن، وهەروەها باڵاپۆش وداپۆشراو بن.
• ئەگەر ئافرەتان کۆبوونەوە لە مزگەوتدا، ئەوا دەبێت بە ڕیز بوەستن وەکو ڕیزی پیاوان، ونابێت پەرتەوازە بوەستن بەڵکو دەبێت ڕیزەکانیان ڕێک وجوان بکەن وبۆشاییەکان پڕ بکەنەوە هەروەکو ڕیزی پیاوان.
• ڕوونكردنەوەی زۆر گرنگیدانی شەریعەت بە دووركەوتنەی ئافرەتان لە پیاوان تەنانەت لە شوێنەكانی پەرستنیشدا.
• فەزڵ وپلە وپایەی خەڵكی بەپێی كردەوەكانیانە.
• نەوەوی دەڵێت: بەشێوەیەكی گشتی ڕیزەكانی یەكەمی پیاوان خێرترینن، وڕیزەكانی كۆتاییان شەڕترینن، بەڵام سەبارەت بە ڕیزەكانی ئافرەتان: مەبەست لێی ئەو ڕیزانەیە كە لەگەڵ پیاوان لە یەك شوێندا -لە نێو یەك هۆڵدا- نوێژ دەكەن، بەڵام ئەگەر بە جیا نوێژ بكەن و لەگەڵ پیاوان نەبن لە یەك شوێندا ؛ ئەوانیش وەكو پیاوانن، خێرترین ڕیزیان ئەوانەی پێشەوەیە وشەڕترین ڕیزیان ئەوانەی پاشەوەیە.
• نەوەوی دەڵێت: ڕیزی یەكەم كە ستایشكراوە وچەندەها فەرموودە هاتووە سەبارەت بە فەزڵ وپاداشتی وهاندان بۆی ؛ ئەو ڕیزەیە كە ڕاستەوخۆ لە پشتی ئیمامە، ئینجا ئەگەر نوێژخوێنەكە زوو یان درەنگ بێت بۆ مزگەوت، وئەگەر ڕیزەكە ژوورۆچكە -مقصورة-ی تێدا بێت یان نا.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. فەزڵی نوێژی جەماعەت وحوکمەکانی
6. فەرموودە

• ئەوەى سیر یان پیاز بخوات؛ ئەوا با لێمان دوور بکەوێتەوە -یان فەرمووی: با دوور بکەوێتەوە لە مزگەوتەکانمان-، وبا لە ماڵەکەى دابنیشێت
• هەرکەسێک بەیانیان یان ئێواران بچێت بۆ مزگەوت، ئەوا خواى گەورە میواندارییەکی ڕێزلێگیراوانەى بۆ ئامادە دەکات لە بەهەشتدا
• ئەی خەڵکینە، ئێوە لە دوو ڕووەک دەخۆن کە وا دەبینم ئازاردەرن: پیاز، وسیر
• ڕیزی پێشەوە تەواو بکەن، پاشان ئەوەی لە دوای دێت، و ئەگەر هەر کەموکورتییەک هەبوو؛ ئەوا با لە ڕیزی کۆتاییدا بێت