ነቢዩ (ሶለላሁ ዐለይሂ ወሰለም) የአላህ ሰላትና ሰላም በእርሳቸው ላይ ይስፈንና ሶላት ላይ ለወንዶች ምርጡ፣ በርካታ ምንዳንና ደረጃን የሚያስገኘው ሰልፍ የመጀመሪያው ሰልፍ እንደሆነ ተናገሩ። ይህም ወደ ኢማሙ ስለቀረቡ፣ የርሱን ቁርአን ስለሚሰሙና ከሴቶችም ስለራቁ ነው። መጥፎው፣ ጥቂት ምንዳና ደረጃ የሚያገኘው፣ ከሸሪዓ ዓላማ የሚርቀው ሰልፍ ደግሞ የመጨረሻው ሰልፍ ነው። የሴቶች ምርጥ ሰልፍ ደግሞ የመጨረሻው ሰልፍ እንደሆነ ተናገሩ። ይህም ለነሱ ሸሸግ የሚያደርጋቸው፣ ከወንዶች ጋር ከመቀላቀል፣ በነርሱ ከመታየት፣ በነርሱ ከመፈተንም የራቀ ስለሆነ ነው። መጥፎው ሰልፍ ደግሞ ከወንዶች ስለሚቀርብ፣ ለፈተና ስለምትጋለጥ የመጀመሪያው ሰልፍ ነው።

• ወንዶች ወደ አምልኮና ሶላት ላይ ወደ መጀመሪያው ሰልፍ እንዲቻኮሉ መነሳሳቱን እንረዳለን።
• ሴቶች ራሱን በቻለ ሰልፍ ከወንዶች ጋር መስጂድ ውስጥ መስገድ እንደሚፈቀድላቸው እንረዳለን። ነገር ግን ከመሸፋፈንና ከመከናነብ ጋር ነው።
• ሴቶች መስጂድ ውስጥ ከተሰባሰቡ ልክ እንደ ወንዶች ሰልፍ ሰልፎች ይሰራሉ እንጂ አይበታተኑም። ይልቁንም ያለባቸው ግዴታ ልክ እንደ ወንዶቹ ሰልፍ ሶፋቸውን ማስተካል፣ ጉድለትን መሙላት ነው።
• ሸሪዓ በአምልኮ ስፍራ ሳይቀር ሴቶች ከወንዶች እንዲርቁ በማነሳሳቱ (ለአለመቀላቀል) ከፍተኛ ትኩረት እንደሰጠ ግልፅ ያደርግልናል።
• ሰዎች በስራቸው ልክ እንደሚበላለጡ እንረዳለን።
• ነወዊይ እንዲህ ብለዋል: «የወንዶች ሰልፍ ላይ የተነገረው መልዕክት በጥቅሉ ነው የሚወሰደው። መቼም ቢሆን የወንዶች ምርጡ ሰልፍ የመጀመሪያው ነው። መጥፎው ደግሞ የመጨረሻው ነው። የሴቶች ሰልፍ ግን ሐዲሡ ላይ የተፈለገው: ከወንዶች ጋር የሚሰግዱ ሴቶችን ነው የሚመለከተው። ከወንዶች ውጪ ተለይተው ለብቻቸው ከሰገዱ ግን የነርሱም ብይን እንደወንዶቹ ነው የሚሆነው። ማለትም ምርጡ ሰልፍ የመጀመሪያው መጥፎው ደግሞ የመጨረሻው ነው የሚሆነው።»
• ነወዊይ እንዲህም ብለዋል: «በሐዲሥ ውስጥ ስለሚያስገኘው ደረጃ ተወድሶ የመጣውና የተበረታታው የመጀመሪያው ሰልፍ ሰጋጁ መጀመሪያም መጣ ዘግይቶ መጣ፣ በመካከል ግርዶሽና የመሳሰሉት ቢገባም ባይገባም ኢማሙን የሚቀጥለው ሰልፍ ነው።»

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ሶላት
5. የጀማዓህ ሶላት ትሩፋትና ህግጋት
6. ሓዲሥ

• እነዚህ ሁለት ሶላቶች በመናፍቃን ላይ እጅግ ከባድ ሶላት ናቸው። በነዚህ ሶላቶች ያለውን ምንዳ ብታውቁ ኖሮ በጉልበታችሁ እየዳኻችሁም ቢሆን ትመጡ ነበር።...
• አንዳችሁ ለብቻው የሚሰግደውን ሶላት የህብረት ሶላት በሃያ አምስት ክፍል (እጥፍ) ይበልጠዋል። የምሽት መልአክቶችና የቀን መልአክቶች በፈጅር ሶላት ወቅት ይገናኛሉ።...
• የሶላትን ጥሪ ትሰማለህን?' አሉት። እርሱም 'አዎን' አላቸው። እሳቸውም 'እንግዲያውስ ለጥሪው መልስ ስጥ!' አሉት።
• ማለዳ ላይ ወይም ከቀትር በኋላ ወደ መስጂድ የሄደ ሰው ማልዶ በሄደና ከቀትር በኋላ በሄደ ቁጥር አላህ ለርሱ ጀነት ውስጥ መስተንግዶ ያዘጋጅለታል።