Profeti ﷺ në këtë hadith sqaroi se shpërblimi i namazit të një njeriu me xhemat pas imamit është më i mirë se njëzet e pesë namaze që ai i fal vetëm në shtëpinë ose tregun e tij. Pastaj Profeti ﷺ përmendi se melekët e natës dhe të ditës mblidhen në namazin e sabahut. Pastaj Ebu Hurejra (Allahu qoftë i kënaqur me të!), duke sjellë dëshmi për këtë, tha: Lexoni, nëse dëshironi: “... Vërtet, për namaz të sabahut (gjatë leximit të Kuranit) prezantojnë shumë (melekë).” (El Isra, 78) D.m.th. në namazin e sabahut marrin pjesë melekët e natës dhe të ditës.

• Ibn Haxheri ka thënë: "Namazi me xhemat në xhami është më i vlefshëm se namazi në shtëpi ose në treg, qoftë me xhemat apo individualisht." Këtë e ka përmendur Ibn Dekik Idi.
• Hadithi tregon vlerën e madhe të namazit të sabahut, sepse melekët mblidhen posaçërisht në të.
• Ibn Bazi ka thënë: "Besimtari duhet të jetë i kujdesshëm për ta ruajtur namazin me xhemat, edhe nëse shtëpinë e ka larg, në mënyrë që ta arrijë këtë mirësi të madhe."
• Neveviu, duke i harmonizuar transmetimet, se namazi me xhemat është më i vlefshëm se namazi individual për njëzet e pesë shkallë, e në një transmetim tjetër për njëzet e shtatë, ka thënë: "Pajtimi mes tyre mund të kuptohet në tri mënyra: 1. Nuk ka kundërshtim mes tyre, sepse përmendja e numrit më të vogël nuk e mohon numrin më të madh. Koncepti i kufizimit me një numër të caktuar është i pavlefshëm sipas dijetarëve të usulit (jurisprudencës islame). 2. Mund të jetë që Profeti ﷺ fillimisht e përmendi numrin më të vogël, e më pas Allahu i Lartësuar e njoftoi për shpërblimin më të madh, të cilin ai pastaj ua përcolli njerëzve. 3. Shpërblimi mund të ndryshojë sipas gjendjes së namazfalësve dhe vetë namazit; për disa prej tyre është njëzet e pesë (gradë) dhe për disa të tjerë njëzet e shtatë, në varësi të plotësisë së namazit, kujdesit ndaj rregullave e formave të tij, përkushtimit, numrit të madh të xhematit, vlerës së tyre, vlerës së vendit e të ngjashme me këto. E Allahu e di më së miri."

1. Ballina
2. Fikhu dhe usuli-fikh (bazat e fikhut)
3. Fikhu i ibadeteve
4. Namazi
5. Vlera e namazit me xhemat dhe normat që kanë të bëjnë me të
6. Hadithi

• A e dëgjon ezanin për namaz?” Ai iu përgjigj: “Po.” Profeti ﷺ i tha: “Përgjigjju, pra!”
• “Këto dy namaze janë më të vështirat për hipokritët. Sikur ta dinit se çfarë ka në këto dy namaze, do të vinit edhe zvarrë gjunjazi
• “Ai që shkon në xhami mëngjes e mbrëmje, sa herë që shkon, Allahu ia përgatit një pritje madhështore në Xhenet.”
• “Safat më të mirë të burrave janë të parët, ndërsa më të këqijtë janë të fundit. Ndërkaq, safat më të mirë të grave janë të fundit, ndërsa më të këqijtë janë të parët.”