Annabi yo jam e kisal ngon e makko ina ɓanngina wonde ɓuri mawnude ko naatnata aade aljanna ko laabi ɗiɗi: Kulol Alla e moƴƴude jikku. Kulol Alla: waɗata heede hakkunde ma e leɓte Alla, ɗum wonirta ko waɗde ko O yamiri e reentaade kaɗaaɗi Makko. Moƴƴude jikku: wonirta ko wellitaade yeeso e tottirde ko moƴƴi e accude lorlude. Ɓuri mawnude e sababuuji naatnooji yiite ko: Ɗeɓngal e farji. Ina jeya e boneeji ɗeɓngal: Fenaande e ñoore e baddi e ko wonah ɗum. Ina jeya e boneeji farji: Jina e luuɗiyaŋkaagal e ko wonah ɗum.

• Naatde aljanna ina jogii sababuuji jowaaɗi e Alla, ina e ɗiin: kulol Alla, e sababuuji jowotiiɗi e yimɓe ina e ɗiin: moƴƴude jikku.
• Bone ɗeɓngal e dow joom mum, ɗuum ina jeya e sababuuji naatnooji yiite.
• Bone tuuyooji e paŋkare e dow neɗɗo, ɗiin ina njeya sababuuji ɓurɗi waawde naatnude yiite.