Ɔkɔmhyɛni -Allah nhyira ne n'asomdwoeɛ nka no- reda kyɛfa a Muslimini wɔ wɔ onua Muslimini so adi akyerɛ yɛn, Kyɛfa a edikan ne sɛ wobɛgye neɛ wato wo (salaam) so. Kyɛfa a ɛtɔ so mmienu: wore kɔsra ɔyarefoɔ. Kyɛfa a ɛtɔ so mmiɛnsa: woredi owufoɔ akyi afiri no fie akɔ beaɛ a wɔreyɛ owufoɔ asɔre agu no so, akɔ amusieɛ kɔpem sɛ wɔbɛ sie no. Kyɛfa a ɛtɔ so ɛnan: sɛ wobɛgye no so sɛ ɔfrɛ wo ayeforɔ nhyiamu bi ase ne neɛ ɛkeka ho a. Kyɛfa a ɛtɔ so ɛnum: wobɛbɔ mpaeɛ ama no sɛ ɔnwansi a, na ɛne sɛ; sɛ ɔda Allah ase a wobɛka akyerɛ no sɛ; ''yarhamka llah'', (Allah nhu wo mmɔbɔ), na afei neɛ ɔnwansiiɛ no aka sɛ, ''yahdiikumu llahu wa yuslih baalakum'', (Allah ntene mo na Ɔnyɛ mo mmɔdemmɔ papa mma mo.)

• Islamsom kɛseɛ no ara gyina sɛ worehyɛ kyɛfa a ɛwɔ wo ne Muslimifoɔ ntam kena na wobɛhyɛ onuadɔ a ɛwɔ mo ntam den.