ఎడారి వాసులలో నుండి ఒక వ్యక్తి ప్రవక్త సల్లల్లాహు అలైహి వసల్లం – తనను స్వర్గములోనికి ప్రవేశింపజేసే ఏదైనా ఆచరణను సూచించమని అడగడానికి వచ్చాడు. ప్రవక్త సల్లల్లాహు అలైహి వసల్లం అతనికి – స్వర్గములోనికి ప్రవేశించుట మరియు నరకాగ్ని నుండి విముక్తి పొందుట అనేది ఇస్లాం యొక్క మూలస్థంభములను ఆచరించుటపై ఆధారపడి ఉంటుంది; వాటిలో ఒకటి అల్లాహ్ ను మాత్రమే ఆరాధించుట, మరియు ఆయనకు ఎవరినీ సాటి కల్పించకుండా ఉండుట; రాత్రీ మరియు పగటి పూటలలో అల్లాహ్ తన దాసులపై విధిగావించిన ఐదు నమాజులను నెలకోల్పటం; అల్లాహ్ నీపై విధిగావించిన జకాతును అర్హులైన వారికి తప్పనిసరిగా చెల్లించుట; రమజాన్ మాసపు ఉపవాసాల ఆచరణను వాటి కొరకు విధిగావించబడిన సమయములోనే ఆచరించుట. అది విని ఆ వ్యక్తి ఇలా అన్నాడు: “ఎవరి చేతిలోనైతే నా ప్రాణం ఉన్నదో ఆయన సాక్షిగా, మీ నుంచి నేను విన్నటువంటి విధిగావించబడిన ఆరాధనలకు ఒక్కటి కూడా ఎక్కువ కలుపను, అలాగే వాటి నుండి ఒక్కటి కూడా తక్కువ చేయను.” అతడు అక్కడి నుండి బయలుదేరిన తరువాత ప్రవక్త సల్లల్లాహు అలైహి వసల్లం ఇలా అన్నారు: “ఎవరైతే స్వర్గవాసులలో ఒక వ్యక్తిని చూడటానికి ఇష్టపడతారో, వారు ఈ ఎడారి నివాసిని చూడండి.”

• ప్రజలను అల్లాహ్ వైపునకు ఆహ్వానించుటలో – అల్లాహ్ యొక్క తౌహీదు (సకల ఆరాధనలకు నిజ ఆరాధ్యుడు అల్లాహ్ మాత్రమే అని విశ్వసించుట) మొదటి అంశం కావాలి.
• కొత్తగా ఇస్లాం స్వీకరించిన నవముస్లిములకు ముందుగా ఇస్లాములో విధిగావించబడిన విషయాలను గురించి బోధించుట ఉత్తమం, అది వారికి సరిపోతుంది.
• అల్లాహ్ వైపునకు ఆహ్వానించుట అనేది క్రమానుగంతంగా జరగాలి.
• ఇందులో ఇస్లాం యొక్క బోధనలను, ఆచరణలను గురించి నేర్చుకోవాలి అనే ఆశ ఆ ఎడారి నివాసిలో మనకు కనిపిస్తుంది.
• ఒక ముస్లిం, ఒకవేళ కేవలం విధిగా ఆచరించవలసిన ఆచరణలకు మాత్రమే కట్టుబడి ఉండి వాటిని మాత్రమే ఆచరించినా అతడు సాఫల్యం పొందినవాడు అవుతాడు; కాని దాని అర్థము స్వచ్ఛంద ఆరాధనలను (సున్నత్ మరియు నఫీల్ ఇబాదాత్ లను) నిర్లక్ష్యం చేయమని కానీ, చేయవచ్చు అని గానీ కాదు. ఎందుకంటే ఈ స్వచ్ఛంద ఆరాధనలే (తీర్పు దినమున) విధిగా ఆచరించవలసిన ఆరాధనలను పూరించడానికి అవసరం అవుతాయి.
• ప్రత్యేకంగా కొన్ని విధిగావించబడిన విషయాలను గురించి పేర్కొనుట అనేది అవి ఎంత ముఖ్యమైనవో అని తెలియ జేయడానికి ఒక రుజువు; మరియు వాటి ఆచరణ వైపునకు ప్రోత్సహించుట కొరకు మాత్రమే. అంతేకానీ, కేవలం అవి మాత్రమే విధి ఆచరణలు అనీ, అవి తప్ప ఇంకా విధి ఆచరణలు ఏమీ లేవు అని కాదు దాని అర్థము.

1. హోమ్
2. సద్గుణాలు మరియు పద్దతులు
3. ధర్మ పద్దతులు
4. బోధకుని,శిష్యుని పద్దతులు
5. హదీస్

• “ఇంతలో ప్రవక్త సల్లల్లాహు అలైహి వసల్లం ఇంటి నుండి బయలుదేరి, మా వద్దకు వచ్చినారు. మేము ఆయనతో “ఓ రసూలల్లాహ్! నిశ్చయంగా మీకు సలాం ఎలా చేయాలో మీరు మాకు నేర్పినారు. అయితే మీపై శాంతి, శుభాలకొరకు ఏమని పలకాలి?...
• ఎవరైతే జ్ఞానాన్ని సంపాదించుకొంటారో, వారు దానిని కేవలం అల్లాహ్ యొక్క ప్రసన్నత కొరకు మాత్రమే దానిని సంపాదించుకోవాలి; అలాగాక ఎవరైతే ఈ లోక ప్రయోజనం కోసం మాత్రమే జ్ఞానాన్ని సంపాదించుకొంటారో, వారు స్వర్గం యొక్క ‘అర్’ఫ’ ను కూడా రుచి చూడరు...
• అల్లాహ్ ఆ వ్యక్తి ముఖాన్ని ప్రకాశవంతం చేయుగాక, ఎవరైతే మా నుండి ఏదైనా విని, అది అలాగే (ఏ మార్పు లేకుండా) ఇతరులకు చేరవేస్తాడో! ఎందుకంటే బహుశా అది ఎవరికి తెలియజేయబడిందో అతను వినిపించినవారి కంటే ఎక్కువ బుద్ధిమంతుడు కావచ్చు...