له بانډې څخه یو سړی رسول الله صلی الله علیه وسلم ته راغی تر څو داسې یو عمل وروښیي چې جنت ته یې داخل کړي، نو رسول الله صلی الله علیه وسلم په ځواب کې ورته وویل چې جنت ته داخلېدل او له جهنم څخه ژغورل کېدل د اسلام د ارکانو په عملي کولو پورې اړه لري، یوازې د یو الله تعالی له عبادت څخه او دا چې شرک ورسره ونه کړې. او دا چې په هره شپه او ورځ کې پنځه وخته لمونځ وکړې چې الله تعالی درباندې فرض کړي دي. او د مال زکات ورکړې چې الله تعالی درباندې فرض کړی دی او اړمنو خلکو ته یې ورکړې. او دا چې په خپل وخت کې د رمضان میاشتې روژې ونیسې. سړي وویل: قسم په هغه ذات چې زما روح یې په لاس کې دی، هغه اطاعتونه مې چې له تا څخه واورېدل نه پرې څه ورزیات کړم او نه به ترې څه کم کړم. کله چې ولاړ، رسول الله صلی الله علیه وسلم وفرمایل: که څوک غواړي چې د جنتي انسان په لېدلو خوشحاله شي نو دغه بانډه چي ته دې وګوري.

• په عبادت سره د الله جل جلاله یووالی هغه څه دي چې د الله لوري ته په بلنې کې پرې باید پېل وشي.
• څوک چې په اسلام کې نوی داخل شوی وي، هغوی ته یوازې باید د فرضي عملونو په ښودنه بسنه وشي.
• د الله جل جلاله لورې ته په بلنه کې باید له تدریج څخه کار واخېستل شي.
• انسان باید د دین زده کړې ته زیات لیواله وي.
• که چېرته مسلمان یوازې په واجب عملونو بسنه وکړي هغه کامیاب دی، خو دا پدې معنی نه ده چې په نفلي عملونو کې سستي وکړي؛ ځکه چې په نفلو سره د فرضو نواقص پوره کیږي.
• کله چې له ځینو عبادتونو څخه په ځانګړې توګه یادونه وشي دا یې پر اهمیت او ټینګار دلالت کوي، او معنا یې دا نده چې لدې پرته نور عملونه واجب نه دي.

1. کور‌پاڼه
2. فضایل او آداب
3. شرعي آداب
4. د عالم او متعلم ادبونه
5. حدیث

• رسول الله صلى الله عليه وسلم موږ ته بهر راووت نو ویې فرمایل: اى د الله جل جلاله رسوله، یقینا دا مو زده کړی چې څرنګه پر تا سلام ووایو، خو درود درباندې څنګه ووایو؟...
• څوک چې د دنیوي غرض لپاره علم زده کړي، حال دا چې زده کړه یوازې د الله تعالی د خوښۍ لپاره کېږي، نو د قیامت په ورځ به د جنت بوي ونه مومي
• الله دې هغه سړی تازه او ښاد لري چې له موږ څخه څه واوري، او لکه څنګه یې چې اورېدلی وي نورو ته يې ورسوي، ځکه ځینې وختونه هغه څوک چې خبر رسوي، له هغه چا نه ښه پوهېږي چې خبر يې اورېدلی وي...