සුදු ළූණු හෝ ළූණු හෝ අනුභව කර, මස්ජිදයට පැමිණීම නබි (සල්ලල්ලාහු අලයිහි වසල්ලම්) තුමාණන් වැළැක්වූහ. ඒවායින් හමන දුර්ගන්ධය හේතුවෙන් සමූහ සලාතය සඳහා සහභාගී වන තම සහෝදරයින් පීඩා නොවනු පිණිසය. එම තහනම මස්ජිදයට පැමිණිම ගැන අවවාදය මිස ඒවා අනුභව කිරීම සම්බන්ධයෙන් නොවේ. ඒවා අනුමත ආහාර වර්ග වේ. ලීක්ස් වැනි කොළ සහිත භාජනයක් නබි (සල්ලල්ලාහු අලයිහි වසල්ලම්) තුමාණන් වෙත ගෙන එන ලදී. එහි ගන්ධය එතුමාණන්ට දැනුනු කල්හි, එය එතුමාණන් අනුභව නොකර සිටීමට හේතු දන්වා ඒවා අනුභව කිරීම සඳහා එතුමාණන්ගේ සහගාමියෙකුට පිළිගන්වූහ. ඔහු ද එය පිළිපදිමින් පිළිකුල් කළේය. සල්ලල්ලාහු අලයිහි වසල්ලම් තුමාණෝ එය දුටු කල්හි, ඔහුට මෙසේ පැවසූහ: ඔබ අනුභව කරන්න. හේතුව සැබැවින්ම මම දිව්‍ය පණිවිඩ සම්බන්ධයෙන් මලක්වරුන් සමග කතා කරමි" යැයි පවසා සිටියහ. දුර්ගන්ධය හේතුවෙන් මිනිසුන් වේදනාවට පත්වන්නාක් මෙන්ම සැබැවින්ම මලක්වරු ද වේදනාවට පත් වන බව නබි (සල්ලල්ලාහු අලයිහි වසල්ලම්) තුමාණෝ දන්වා සිටියහ.

• සුදු ළූණු හෝ ළූණු හෝ ලීක්ස් වැනි දෑ අනුභව කරන්නන් මස්ජිදය වෙත පැමිණීමෙන් වැළකී සිටීම.
• සලාතය ඉටු කරන්නන් අපහසුතාවට ලක්වන ආකාරයේ දුම් වැටි, බීඩි වැනි දුර්ගන්ධය හමන සියලු දෑ ද මෙම කරුණු අතරට ඇතුළත් වේ.
• වැළැක්වීමට හේතුව දුර්ගන්ධයයි. හොඳින් පිසීමෙන් හෝ වෙනත් ක්‍රමයකින් හෝ එම දුර්ගන්ධය ඉවත් වූ විට, එම තහනම ඉවත් වෙයි.
• මෙම කරුණු අනුභව කිරීම පිළිකුල් සහගත වනුයේ මස්ජිදයේ සලාතය සඳහා සහභාගී වන උදවියටය. එය මස්ජිදයේ සමූහ සලාතය අතපසු නොවන පරිදිය. නමුත් සහභාගී නොවීම පිණිස උපාය මාර්ගයක් ලෙස එය භාවිතා කළේ නම් එය තහනම් වන්නේය.
• සුදු ළූණු වැනි දෑ අනුභව කිරීමෙන් නබි (සල්ලල්ලාහු අලයිහි වසල්ලම්) තුමාණෝ වැළකී සිටියහ. එය තහනම් කර ගත්තේ නැත. එය සැබැවින්ම එතුමාණන් ජිබ්රීල් (අලයිහිස් සලාම්) තුමා සමග කතා කරන බැවිනි.
• නබි (සල්ලල්ලාහු අලයිහි වසල්ලම්) තුමාණන්ගේ ඉගැන්වීමේ අලංකාරය. එතුමා නීතිය සමග එයට අදාළ වන කරුණු ද පැහැදිලි කළේය. එය අමතනු ලබන තැනැත්තා එම නීතියේ ප්‍රඥාව හදුනා ගෙන ඔහු තැන්පත් විය හැකි වනු පිණිසය.
• අල්-කාළී තුමා මෙසේ පවසයි: මෙය මස්ජිදයේ නොවන, උත්සව සලාතය, ජනාසා සලාතය වැනි සමූහ නැමදුම් වශයෙන් ඉටු කරන සලාතය සඳහා රැස්වන ස්ථානවල ද විද්වත්හු මෙය අදාළ කර ඇත. එමෙන්ම අධ්‍යාපනය, දෙවියන් මෙනෙහි කිරීම, වලීමා උත්සවය වැනි දෑ ද එලෙසමය. නමුත් වෙළඳපොළොවල් හා එවැනි තැන් සඳහා එය එකතු කළේ නැත.
• විද්වතුන් මෙසේ ප්‍රකාශ කර ඇත: මෙම හදීසය තුළ සුදුළූණු හෝ එවැනි යමක් අනුභව කොට මස්ජිදයට පිවිසීම තහනම් බව පෙන්වා දෙන සාධක පවතී. මෙම හදීසය ගැන පොදුවේ සළකා, මස්ජිදය හිස්ව තිබුනත්, එය මලක්වරුන්ගේ ස්ථානය වන බැවින් එලෙස එහි පිවිසීම ද තහනම් ය.

1. මුල් පිටුව
2. ආගමික නීති හා එහි මූලධර්ම
3. වත්පිළිවෙත් පිළිබඳ ආගමික නීති
4. සලාතය
5. සාමූහික සලාතයේ මහිමය හා එහි නීති
6. නබි වදන

• නියතවම බනූව්සලමා නම් පිරිසක් නබි තුමාණන් කෙරෙහි යෝඡනාවක් ඉදරිපත් කළහ ඔවුන්ගේ වාසස්ථානයෙන් ඉවත් වී මස්ඡිදයට අාසන්නව නිවහනක් ගොඩනගන්නද කියා අැසූවිගස නබි තුමා මෙසේ කීවේය මස්චිදයට අාසන්නවු නිවහන අානිසංස අඩුවෙන්ද දුරස්වූ නිවහන අධික කුසල් ල...
• අහෝ ජනයිනි! ඔබ පැලවර්ග දෙකක් අනුභව කරන්නෙහුය. ඒ දෙක පිළිකුල් සහගත ලෙස මිස මම නොදකිමි. එනම්, ලූනු හා සුදු ලූනු....
• පේළි අතරින් පිරිමින් සඳහා හොඳම පේළිය පළමු පේළිය වන අතර නරකම පේළිය අවසාන පේළිය වේ. ‌එමෙන්ම කාන්තාවන් සඳහා හොඳම පේළිය අන්තිම පේළිය වන අතර නරකම පේළිය පළමු පේළිය වේ...
• ඇත්තෙන්ම අනෙකුත් සලාත් ඉටු කිරීමට වඩා මෙම සලාත් දෙක ඉටු කිරීම කුහකයන් හට මහත් බරකි. ඒ දෙකෙහි අඩංගු (කුසල්) ඔබ දන්නේ නම්, ඔබට දණින් වැටී බඩගා යාමට සිදු වුවද, ඔබ ඒ දෙක වෙත පැමිණෙනු ඇත...