Nabiyyiiin -Rabbiin rahmataa fi nageenya isaan irratti haa buusu- hanga dandeettiitiin badii jijjiiruutti ajajan- inni hunda waan Rabbii fi Ergamaan Isaa irraa dhoorganiidha- Yeroo badii arge dandeettii kan qabu yoo ta'e harkaan jijjiiruun isa irratti dirqama ta'a, Sana yoo dadhabe immoo arraba isaatiin haa jijjiiru nama badii hojjatu badii sana irraa isa dhoorgee miidhaa isaa ifa isaaf gochee eegasii bakka badii kanaa gara toltuutti isa qajeelchuun, Sadarkaa isa kana yoo dadhabe immoo qalbii isaatiin haa jibbu, badiicha jibbuunii fi jijjiiruu kan danda'u osoo ta'ee nan jijjiira jedhee murteeffachuun, Badii jijjiiruu keessatti qalbiin jibbuun irra dadhabaa sadarkaa iimaanaati.

• Sadarkaa badii ittiin jijjiiran ibsuu keessatti hadiisichi bu'uura.
• Badii irraa dhoorguu keessatti sadarkaa sadarkaan dhoorguutti ajajuudha, hunduu akkuma dandeettii fi humna isaatiini.
• Amantii islaamaa keessatti badii irraa dhoorguun hulaa guddaa kan eenyuu irraayyuu hin kufneedha, hundi muslimaatuu akka dandeettii isaatiin itti dirqamsiifama.
• Toltuutti ajajuu fi badii irraa dhoorguun gosa iimaanaa irraayi, iimaanni ni dabalas ni hirdhatas.
• Badii irraa dhoorguu keessatti hojiin sun badii ta'uu beekuun ulaagaa taasifama.
• Akkasumas badii jijjiiruu keessatti badii irra guddaa fiduu dhabuunis ulaagaa taasifama.
• Badii irraa dhoorguuf namuusaa fi ulaagaalee muslima irratti isii barachuun barbaacisaa ta'eetu jira.
• Badii irraa dhoorguun adeemsa shari'aa, beekumsaa fi hubannootti haajama.
• Qalbiin jibbuu dhabuun dadhabina iimaanaatti akeeka.