Nelaaɗo yo kisal won e makko ina yamira wayylirde pankare- ɗuum woni kala ko Alla Hé nilaademako haɗi- fotde kattanɗe,(baode) Si o yi'ii ko boni ina waɗɗii mbo waylirde ɗum junngo si tawii hombo waawii, Si o roŋkii ɗuum yo o waylir ɗum ɗeɓngal makko, ɗuum wonirta ko haɗde mbo e hollude mbo lor majjum e tinndinde mbo moƴƴere gaa e bone, Si o horiima o tolno yo o waylir ɗum ɓernde makko, ɗuum woni hollirde añde ɗe paŋkare e fellitde si o heɓna doole e walude ɗuum o waylatna ɗum, Waylirde ɓernde ɓuri leesɗude e marta- baaji gooŋɗingol ko faati e waylude bonannde.

• O hadiis kombo asli e hollirde martabaaji waylude bonannde-paŋkare.
• Yamirde yaarude(sese) taaɓal taaɓal e baylugol bonannde, gooto fof waylirta ko fotde baawɗe makkom e kattane mum.
• Haɗde bonannde ko damal teddungal ka diine, ko ngal baɗɗingal e kala juulɗo, juulɗo fof ina fawiraa ngal fotde baawɗe makko.
• Yamirde ko moƴƴi e haɗde ko boni ko pecce gooŋɗingol jeya, gooŋɗingol noon ina ɓeydop ina usto.
• Ina sarɗe e haɗde bonannde: Anndude ndeen huunde konde bonnde.
• Ina sarɗe e ittude (bailoke)pankare: Nde waylude ɗum addatah bone ɓurɗo njanɗude bone baylaaɗe ɗe.
• Haɗde bonannde ko neediiji e sarɗeeji ɗi juulɗo foti janngude.
• Yeddude paŋkare ina hatajini e dawrugol sariyankeewol, e ganndal e yi'annde.
• Waasde yeddirde ɓernde ina holla lohre(lafoki) gooŋɗingol.