တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်မှာ - ဂျန္နသ်တွင် စည်းစိမ်ခံစားနေကြသော ဂျန္နသ်သုခဘုံသားများအား ဟစ်ခေါ်သူက ဤသို့ ဟစ်အော်‌ ပြော ဆိုလိမ့်မည် - အသင်တို့သည် ဤဂျန္နသ်၌ အစဉ်ကျန်းမာစွာနေထိုင်ကြရမည် ဖြစ်ပြီး မည်သည့် အနည်းငယ်မျှသော ရောဂါဝေဒနာမျှ ကပ်ရောက်လာမည် မဟုတ်ပေ။ အသင်တို့သည် အစဉ်ထာဝရ ရှင်သန်ကြရမည် ဖြစ်ပြီး သေခြင်းတရားသည် အသင်တို့ထံ ဘယ်သောအခါမျှ ရောက်ရှိလာမည် မဟုတ်ပေ။ သေခြင်း၏ ပုံစံငယ်ဖြစ်သော အိပ်စက်ခြင်းပင် ဂျန္နသ်၌ ရှိမည် မဟုတ်ပေ။ အသင်တို့သည် အစဉ်နုပျိုလန်းဆန်းစွာ ရှိနေကြမည် ဖြစ်ပြီး အိုမင်းရင့်ရော်ခြင်းသည် အသင်တို့အနီးသို့ပင် မချဉ်းကပ်နိုင်တော့ပေ။ အသင်တို့သည် ထိုဂျန္နသ်အတွင်း၌ စည်းစိမ်ချမ်းသာအားလုံးဖြင့် ခံစားနေထိုင်ကြရမည် ဖြစ်ပြီး မည်သည့်အခါမျှ စိုးရိမ်ပူဆွေးခြင်း၊ ဝမ်းနည်းသောကရောက်ခြင်း ရှိမည်မဟုတ်ပါ။ ထိုအကြောင်း အရာကိုသည် အလ္လာဟ်အရှင်မြတ်က ဤမိန့်ကြားချက်တွင် ဖော်ပြထားတော်မူသည် - " ၎င်းပြင် ထိုသူတို့သည် (ဤသို့) ဟစ်ခေါ်ခြင်း ခံကြရမည်- “ဤသည် ဂျန္နသ် သုခဘုံ ဖြစ်သည်၊ ၎င်း(သုခဘုံ)ကို အသင်တို့သည် အသင်တို့ ပြုလုပ်ခဲ့သောအရာ (ကောင်းသော လုပ်ရပ်)များကြောင့် အမွေ ရရှိခဲ့ခြင်း ဖြစ်သည်”။ ( စူရဟ် အအ်ရာဖ် - ၄၃ )

• လောကီသက် တမ်း၏ စည်းစိမ်သည် မည်မျှပင် ဇိမ်ခံပစ္စည်းများဖြင့် ပြည့်စုံနေစေကာမူ ၎င်း၏ ပိုင်ရှင်ကို ဒုက္ခပေးနိုင်သည့် အကြီးဆုံးသော အရာလေးမျိုးရှိသည်။ ၎င်းတို့မှာ - မကျန်းမာခြင်း၊ သေခြင်း၊ အိုမင်းရင့်ရော်ခြင်းနှင့် ရန်သူ၊ ဆင်းရဲမှု၊ စစ်မက်ဖြစ်ပွားမှု စသည်တို့ကြောင့် ဖြစ်ပေါ်လာသော ကြောက်ရွံ့မှု၊ ဆုံးရှုံးမှုနှင့် ဝမ်းနည်းပူဆွေးမှုများပင် ဖြစ်သည်။ သို့ရာတွင် ဂျန္နတ်သုခဘုံသားတို့သည် ဤအရာများအားလုံးမှ လွတ်ကင်းကြသူများဖြစ်သည်။ ထို့ကြောင့် ဂျန္နတ်သုခဘုံသားတို့သည် စုံလင်ပြည့်ဝသော စည်းစိမ်ချမ်းသာမှုကို ရရှိကြသည်။
• ဂျန္နသ်၏ စည်း စိမ်များသည် လောကီ၏ စည်းစိမ်များနှင့် ကွာခြား သည်။ အဘယ့်ကြောင့်ဆိုသော် ဂျန္နသ်၏ စည်းစိမ်များသည် အစဉ်ထာ ဝရတည်ရှိမည် ဖြစ်ပြီး ၎င်းတွင် စိုးရိမ်ကြောင့်ကြမှု တစ်စုံတစ်ရာမျှ ရှိမည်မဟုတ်သောကြောင့် ဖြစ်ပြီး၊ လောကီ၏ စည်းစိမ်များမှာမူ အစဉ်ထာဝရမတည်နိုင်သလို ၎င်းတွင် နာကျင်မှုများနှင့် ရောဂါဘယများကို ကြုံတွေ့ရသောကြောင့်ဖြစ်သည်။
• ( ဤဟဒီးဆ်တွင်) ဂျန္နသ်၏စည်းစိမ်ချမ်းသာမှုများကို ရရှိ စေမည့် ကောင်းမြတ်သော အမလ်များကို ပြုလုပ်ရန် လှုံ့ဆော်တိုက်တွန်းထားသည်။

1. ပင်မစာမျက်နှာ
2. ထွတ်မြတ်မှုများနှင့် အာဒါဗ်စည်းကမ်းများ။
3. နှလုံးသားကို နူးညံ့စေသော ဆုံးမဩဝါဒများ။
4. ဂျန္နသ်နှင့် ဂျဟန္နမ် အကြောင်းအရာများ။
5. ဟဒီးဆ်

• ကျွန်တော်သည် တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်ကို ကြားခဲ့သည်။“ကိယာမသ်နေ့တွင် လူတစ်ဦးအား ခေါ်ဆောင်လာပြီး ငရဲမီးသို့ ပစ်ချမည်။ ထိုအခါ သူ၏အူများထွက်ကျလာပြီး မြည်းသည် ကျိတ်ဆုံဘေး၌လှည့်ပတ်နေသကဲ့သို့ သူသည်လည်းသူ၏အူများနှ...
• မည်သူမဆို ငါကိုယ်တော်အတွက် မိမိ၏ပါးစောင်နှစ်ခုကြားတွင်ရှိသော အရာ(နှုတ်လျှာ)နှင့် ခြေနှစ်ချောင်းကြားတွင်ရှိသော အရာ(အရှက်အင်္ဂါ)ကို ထိန်းသိမ်းရန်တာဝန်ယူလျှင် ငါကိုယ်တော်သည် ထိုသူ့အတွက် ဂျန္နသ်သုခဘုံကို တာဝန်ယူတော်မူသည်။...
• ဂျန္နသ်သုခဘုံသည် အသင်တို့အနက် တစ်ဦးတစ်ယောက်၏ ဖိနပ်သဲကြိုးထက်ပင် ၎င်းနှင့် ပို၍နီးကပ်သည်။ ဂျဟန္နမ်ငရဲဘုံသည်လည်း ထိုအတိုင်းပင်ဖြစ်သည်။...
• ကိယာမတ်နေ့တွင် ဂျဟန္နမ်ငရဲသားများအနက် အပြစ်ဒဏ်အသက်သာဆုံးသူမှာ မီးဖြင့်ပြုလုပ်ထား‌သော ဖိနပ်နှစ်ဖက်နှင့် သဲကြိုးနှစ်ချောင်း (ဝတ်ဆင်ပေးခြင်းခံထားရသူ )ရှိသူဖြစ်ပြီး ထိုမီး၏ပူလောင်မှုကြောင့် သူ၏ ဦးနှောက်သည် ကြေးအိုးပူလောင်သည့်အခါ ပွက်ပွက်ဆူသကဲ့သ...