സ്വർഗക്കാർ സ്വർഗീയാസ്വാദനങ്ങൾ അനുഭവിച്ചു കൊണ്ടിരിക്കുമ്പോൾ ഒരാൾ വിളിച്ചു പറയുന്നതാണ്: നിങ്ങൾ ഇനി എന്നും ആരോഗ്യമുള്ളവരായിരിക്കും; ഒരിക്കലും നിങ്ങൾക്ക് ഒരു രോഗവും -എത്ര ചെറിയ രോഗമാണെങ്കിൽ പോലും- ബാധിക്കുകയില്ല. നിങ്ങൾക്ക് സ്വർഗത്തിൽ ഇനിയെന്നെന്നും ജീവിക്കാം; ഇവിടെ നിങ്ങൾ ഒരിക്കലും മരണം അനുഭവിക്കുകയില്ല. ചെറിയ മരണമായ ഉറക്കം പോലും നിങ്ങൾക്ക് ഇനിയുണ്ടാവുകയില്ല. നിങ്ങൾക്ക് ഇവിടെ എന്നും യുവത്വമായിരിക്കും; നിങ്ങൾ ഇവിടെ ഒരിക്കലും വാർദ്ധക്യം പ്രാപിക്കുകയില്ല. ഇവിടെ നിങ്ങൾക്ക് ഇനി എന്നും സുഖാസ്വാദനങ്ങളും നിലക്കാത്ത അനുഗ്രഹങ്ങളുമായിരിക്കും; ഇനിയൊരിക്കലും ദുഃഖമോ പ്രയാസമോ നിങ്ങളെ ബാധിക്കുകയില്ല. അല്ലാഹു വിശുദ്ധ ഖുർആനിൽ അതിനെ കുറിച്ചാണ് ഇപ്രകാരം പറഞ്ഞത്: "അവരോട് വിളിച്ചുപറയപ്പെടുകയും ചെയ്യും: അതാ, സ്വര്‍ഗം. നിങ്ങള്‍ പ്രവര്‍ത്തിച്ചിരുന്നതിന്‍റെ ഫലമായി നിങ്ങള്‍ അതിന്‍റെ അവകാശികളാക്കപ്പെട്ടിരിക്കുന്നു." (അഅ്റാഫ്: 43)

• ഇഹലോകത്തുള്ള ഏതൊരു സുഖാനുഗ്രഹങ്ങളും -അതിൽ എത്രയെല്ലാം ഒരാൾക്ക് നേടിയെടുക്കാൻ സാധിച്ചാലും- നാല് വമ്പിച്ച പ്രയാസങ്ങളോടൊപ്പമല്ലാതെ ഉണ്ടാവുകയില്ല. രോഗവും, മരണവും, വാർദ്ധക്യവും, ശത്രുവിനെയോ ദാരിദ്ര്യത്തെയോ യുദ്ധത്തെയോ മറ്റോ ആലോചിച്ചുണ്ടാകുന്ന പ്രയാസവും ദുഃഖങ്ങളുമാണവ. ഈ നാല് കാര്യങ്ങളിൽ നിന്നും സ്വർഗക്കാർ മോചിതരായിരിക്കും എന്നതിനാൽ അവർക്ക് ഏറ്റവും പരിപൂർണ്ണമായ സുഖാനുഗ്രഹങ്ങളായിരിക്കും ഉണ്ടാകുക.
• ഇഹലോകത്തുള്ള സുഖാനുഗ്രഹങ്ങളിൽ നിന്നും സ്വർഗീയാനുഗ്രഹങ്ങൾ തീർത്തും വ്യത്യസ്തമായിരിക്കും. കാരണം സ്വർഗത്തിലെ ഒരു അനുഗ്രഹത്തിനോടൊപ്പവും യാതൊരു ഭയവും ഉണ്ടാവുകയില്ല. എന്നാൽ ഇഹലോകത്തുള്ള ഏതൊരു അനുഗ്രഹവും എന്നെന്നും ഉണ്ടാവുകയില്ല എന്നതിനൊപ്പം, വേദനകളും രോഗങ്ങളും അവക്കിടയിൽ കല്ലുകടിയായി വരും എന്ന വസ്തുതയുമുണ്ട്.
• സ്വർഗത്തിലെ അനുഗ്രഹങ്ങളിലേക്ക് എത്തിക്കുന്ന സൽപ്രവർത്തനങ്ങളിൽ മുഴുകാനുള്ള പ്രേരണയും പ്രോത്സാഹനവും.

1. മെയിൻ പേജ്
2. ശ്രേഷ്ഠതകളും സ്വഭാവമര്യാദകളും
3. ഹൃദയത്തെ നിർമ്മലാക്കുന്ന വചനങ്ങളും, മതപരമായ ഉപദേശനിർദേശങ്ങളും
4. സ്വർഗത്തിൻ്റെയും നരകത്തിൻ്റെയും വിശേഷണങ്ങൾ
5. ഹദീസ്

• ജനങ്ങളിൽ ഏറ്റവുമധികം പേരെ സ്വർഗത്തിൽ പ്രവേശിപ്പിക്കുന്ന കാര്യത്തെ കുറിച്ച് നബി ﷺ യോട് ചോദിക്കപ്പെട്ടപ്പോൾ അവിടുന്ന് പറഞ്ഞു: "അല്ലാഹുവിനെ സൂക്ഷിക്കലും (തഖ്‌വ) സൽസ്വഭാവവുമാണ്...
• എങ്കിൽ നിനക്ക് നീ ആഗ്രഹിച്ചതും അതിനോടൊപ്പം അതിന് തുല്യമായതും ഉണ്ട്
• ഹേ അബൂ സഈദ്! ആരെങ്കിലും അല്ലാഹുവിനെ തൻ്റെ രക്ഷിതാവായും, ഇസ്‌ലാമിനെ തൻ്റെ ദീനായും, മുഹമ്മദ് നബി -ﷺ- യെ തൻ്റെ ദൂതനായും തൃപ്തിപ്പെട്ടാൽ അവന് സ്വർഗം നിർബന്ധമായിരിക്കുന്നു...
• കറുത്തതും തലയിൽ വെളുപ്പു കലർന്നതുമായ ഒരു മുട്ടനാടിൻ്റെ രൂപത്തിൽ (അന്ത്യനാളിൽ) മരണം കൊണ്ടുവരപ്പെടും...