Абдуллах бин Зайд (ага Аллах ыраазы болсун) пайгамбардын кандай даарат алганын иш жүзүндө аткарып көрсөтүп берген. Алгач кичинекей идишке суу алдырды Оболу колун жуудан баштады, анан идишти кыйшайтып, бир аз суу куюп, колдорун идиштин сыртына үч жолу жууду. Анан колун идишке салып, андан үч жолу суу сузуп алып, ар бир алганы менен оозун гаргара кылып жууп жана мурдуна суу алып чимкирди. Анан идишке колун салып суу сузуп алып, аны менен үч жолу бетин жууду. Анан дагы суу сузуп алып, эки колун чыканактарын кошуп эки жолудан жууду. Анан колун дагы идишке салып, (суу) колдору менен башынын алды жагынан арт жагына карай желкесине чейин бир жолу масх тартып барып, кайра бешенесине чейин тартып келди. Анан эки бутун томуктарын кошуп жууду.

• Мугалимдин жүрүм-туруму илимди түшүнүүнүн жана анын бекемделүүсүнүн эң негизги себеби болуп саналат жана ушунун бири иш жүзүндө көрсөтүп үйрөтүү.
• Дааратта жуула турган кээ бир мүчөлөрдү үч жолу, кээ бирин эки жолудан жуу жайыз. Ал эми бир жолу жуу - важыб.
• Хадисте келгендей, дааратта жуула турган мүчөлөрдү тартиби менен жуу - важыб.
• Беттин чеги тигинен бешенеде чач чыккан жерден баштап, сакал чыккан ээк астына чейин. Ал эми туурасынан кулактан кулакка чейин.

1. home
2. Фыкх жана анын усулдары
3. Ибадаттардын илими
4. Даарат
5. Даарат алуу
6. Даараттын сыпаты
7. hadith

• Силерден бирөөңөр уйкудан турганда мурдун үч жолу кеңилжээрине чейин тазалап жуусун. Анткени шайтан мурундун кеңилжээринде түнөйт...
• Пайгамбар (ага Аллахтын тынчтыгы жана мактоосу болсун) бир жолудан, бир жолудан жууп даарат алды
• Усман ибну Аффандын (Аллах андан ыраазы болсун) кулу Хумрон айтат: “Усман ибну Аффан (Аллах андан ыраазы болсун) даарат алганга суу алдырды да идиштеги суудан эки колуна куюп, колдорун үч жолу жууду. Андан кийин оң колу менен идиштен суу ал...
• Суу жетпеген согончокторго азап болот, дааратты жеткиликтүү алгыла!" - деди