ئابدۇللاھ بىن زەيىد رەزىيەللاھۇ ئەنھۇ ئەمەلى ھەرىكىتى ئارقىلىق پەيغەمبەرئەلەيھىسسالامنىڭ قانداق تاھارەت ئالىدىغانلىقىنى بايان قىلىپ بەردى. كېچىك قاچىدا سۇ كەلتۈرۈشنى تەلەپ قىلدى، دەسلەپتە ئىككى ئالقىنىنى يۇيۇشتىن باشلىدى، ئاندىن قاچىنى يانتۇ قىلىپ سۇنى قويۇپ ئىككى قولىنى قاچىنىڭ سىرتىدا ئۈچ قېتىم يۇدى. ئاندىن قولىنى قاچىغا كىرگۈزۈپ ئۇنىڭدىن ئۈچ ئۇۋۇچ سۇ ئېلىپ ھەر بىر ئۇۋۇچ سۇ بىلەن بىر قېتىم ئېغىزىغا سۇ ئىلىپ چايقاپ، بۇرنىغا سۇ ئېلىپ تازىلىدى. ئاندىن سۇنى ئۇۋۇچلاپ ئېلىپ يۈزىنى ئۈچ قېتىم يۇدى. ئاندىن ئۇۋۇچلاپ سۇ ئىلىپ ئىككى قولىنى ئىككى جەينىكى بىلەن قېتىپ ئىككى قېتىمدىن يۇدى. ئاندىن قولىنى قاچىغا كىرگۈزۈپ ئىككى قولى بىلەن بېشىغا مەسىھ قىلدى، بېشىنىڭ ئالدى تەرىپىدىن باشلاپ گەردىنىگىچە يەتكۈزدى ئاندىن كەينىگە قايتۇرۇپ بېشىدىن مەسىھنى باشلىغان ئورۇنغا يەتكۈزدى. ئاندىن ئىككى پۇتىنى ئىككى ھوشۇقى بىلەن قېتىپ ئۈچ قېتىم يۇدى.

• ئوقۇتقۇچىنىڭ ھەرىكىتى چۈشۈنۈشكە ۋە ئىلىمنىڭ قەلبتە ئ‍ورنىشى ئۈچۈن ئەڭ يېقىن ۋاستىدۇر، ئەمەلىي تەلىم بېرىشمۇ مۇشۇنىڭ جۈملىسىدىندۇر.
• تاھارەت ئالغاندا بەزى ئەزالارنى ئۈچ قېتىمدىن، بەزى ئەزالارنى ئىككى قېتىمدىن يۇيۇش دۇرۇس بولىدۇ، بىر قېتىمدىن يۇيۇش ۋاجىپتۇر.
• ھەدىستە بايان قىلىنغاندەك، تاھارەت ئالغاندا ئەزالارنىڭ ئارىسىنى تەرتىپ بىلەن يۇيۇش ۋاجىپ بولىدۇ.
• يۈزنىڭ دائىرىسى: ئۇزۇنلۇقتا باشنىڭ ئالدى تەرىپىدىكى چاچ ئۈنگەن ئورۇندىن ئىڭەك ۋە ساقال يەتكەن ئورۇنغىچە، توغۇرلۇقتا: ئىككى قۇلاقنىڭ ئارىسىدۇر.

1. ئاساسى
2. پىقھى ۋە ئۇنىڭ ئۇسۇل قائىدىلىرى
3. ئىبادەت مەسىلىلىرىنى بىلىش
4. پاكىزلىق
5. تەرەت ئېلىش
6. تەرەتنىڭ سۈپەتلىرى
7. ھەدىس

• كىمكى مەن تاھارەت ئالغاندەك مۇشۇنداق تاھارەت ئالسا، ئۇنىڭدىن كېيىن كۆڭلىگە باشقا ئىشلارنى كەلتۈرمەي ئاللاھ ئۈچۈن ئىككى رەكەت ناماز ئادا قىلسا، ئاللاھ تائالا ئۇ كىشىنىڭ ئىلگىرىكى گۇناھلىرىنى مەغپىرەت قىلىدۇ...
• ھەقىقەتەن پەيغەمبەرئەلەيھىسسالام ھەر بىر ئەزاسىنى ئىككى قېتىمدىن يۇيۇپ تاھارەت ئالاتتى
• پەيغەمبەر ئەلەيھىسسالامغا بىر ئۇچۇم سۇ كەلتۈرىۋىدى، ئۇنىڭ بىلەن بىلەكلىرىنى سىلاپ يۇدى
• پەيغەمبەرئەلەيھىسسالام ھەر بىر ئەزاسىنى بېر قېتىمدىن يۇيۇپ تاھارەت ئالاتتى