میقدادی كوڕی ئەسوەد -ڕەزای خوای لێبێت- پرسیاری لە پێغەمبەر -صلى اللە علیە وسلم- كرد: ئەگەر گەیشت بە پیاوێك لە كافرەكان لە جەنگدا، وبە شمشێر ڕووبەڕووی یەكتر بوونەوە، هەتاوەكو كافرەكە بە شمشێرەكەی دەستێكی بڕی، پاشان كافرەكە ڕای كرد وخۆی پەنادا لەپاڵ دارێك، وگووتی: (لا إله إلا الله)، ئایا كوشتنی حەڵاڵە لەپاش ئەوەی دەستی بڕیم؟ پێغەمبەر -صلى اللە علیە وسلم- پێی فەرموو: مەیكوژە. ووتی: ئەی پێغەمبەری خودا، ئەو دەستێكی بڕیم، لەگەڵ ئەمەیشدا نەیكوژم؟! پێغەمبەر -صلى اللە علیە وسلم- فەرمووی: مەیكوژە، چونكە خوێنی حەرام بووە، ئەگەر بیكوژیت لەپاش مسوڵمانبوونی؛ ئەوا ئەو لە پلەی تۆدایە وخوێنی پارێزراوە بەهۆی مسوڵمانبوونەوە، وتۆ لە پلەی ئەودایت وخوێنت حەڵاڵە؛ بەهۆی ئەوەی كوشتت وتۆڵەت لێدەسێندرێتەوە.

• هەرکەسێک شتێک سەبارەتی بزانرێت کە بەڵگەیە لەسەر ئەوەى مسوڵمان بووە لە قسەیدا یان کردەوەیدا؛ ئەوا کوشتنی حەرامە.
• ئەگەر كەسێك لە كافرەكان مسوڵمان بوو لەكاتی جەنگدا، ئەوا خوێنی پارێزراوە، و واجبە زیانی لێ نەدرێت مەگەر پێچەوانەی مسوڵمان بوونی ڕوون بێتەوە.
• واجبە مسوڵمان ئارەزووی شوێنکەوتەى شەریعەت بێت نەک شوێنکەوتەى دەمارگیری وتۆڵەسەندنەوە بێت.
• ئیبن حەجەر دەڵێت: ڕێگەپێدراوە پرسیاركردن سەبارەت بە پێشهات وكارەساتەكان لەپێش ڕوودانیان؛ لەسەر بنەمای ئەو ڕایەی دەڵێت ئەم باسە ڕووی نەداوە، وئەوەی لە زانایانی پێشینەوە باسكراوە لە مەكروهیەتی ئەم جۆرە پرسیاركردنە؛ بۆ كاتێكە ئەگەر ڕووداوەكە بە دەگمەن ڕووبدات، بەڵام ئەو ڕووداوەی دەكرێت زۆر جار ڕووبدات؛ ئەوا پرسیاركردن سەبارەتی ئاساییە بۆئەوەی زانست سەبارەتی هەبێت.

1. سه‌ره‌كی
2. عەقیدە (بیروباوەڕ)
3. ناوەکان وحوکمەکان
4. ئیسلام
5. فەرموودە

• بڵێ: لا إله إلا الله، بەهۆیەوە شاهێدیت بۆ دەدەم لە ڕۆژی قیامەتدا
• هەرکەسێک بە براكەی بڵێت: ئەی کافر، ئەوا بەسەر یەکێكیاندا دەشکێتەوە، ئەگەر ئەو کەسەی وای پێوتووە وابێت، ئەگەر نا ئەوا بەسەر خۆیدا دەشکێتەوە...
• هەرکەسێک پاش ئیسلامەتی (پاش مسوڵمان بوونی) چاکەکاری ئەنجامبدات؛ ئەوا بەرپرسیار نابێت لەو کردەوانەى لە جاهیلیەتدا کردوویەتی، و هەرکەسێک خراپەکاری بکات لە پاش ئیسلامەتی؛ ئەوا لێپرسینەوەى لێدەکرێت سەبارەت بە کردەوەکانى پێشووتر ودواتر...
• چونکە ئەو ڕۆژێک لە ڕۆژان نەیووت : پەروەردگار لە گوناهەکانم خۆش بە لە ڕۆژی لێپرسینەوە (ڕۆژی قیامەت)