1. home
  2. Акыйда (ишеним)
  3. Аталыштар жана терминдер
  4. Ислам
  5. hadith
Микдад бин Амр Киндий (ага Аллах ыраазы болсун) айтат: Аллахтын элчисине (ага Аллахтын тынчтыгы жана мактоосу болсун) мындай дейт: Мен каапырлардын бири менен бет келип согушуп, ал менин бир колумду кылыч менен шылый чапса, анан дарактын артына жашынып алып: Мен Аллах үчүн Исламды кабыл кылдым - десе, мен аны өлтүрсөм болобу, оо, Аллахтын элчиси? Аллахтын элчиси (ага Аллахтын тынчтыгы жана мактоосу болсун) ага: "Аны өлтүрбө" - деди. Ал: Оо, Аллахтын элчиси, ал менин колумду кыя чаап, колумду кесип таштагандан кийин айтып жатат да? - деди. Аллахтын элчиси (ага Аллахтын тынчтыгы жана мактоосу болсун): "Аны өлтүрбө. Эгер аны өлтүрсөң, ал сен аны өлтүрө электеги сенин ордуңда болуп, сен болсо ал жанагы сөзүн айта электеги анын ордунда болуп каласың" - деди. Сахих (ишенимдүү) - Муттафакун алайхи (хадистин ишенимдүүлүгүнө бир ооздон макулдашылган)
explain-icon

exp

Микдад бин Асвад (ага Аллах ыраазы болсун) пайгамбарыбыздан (ага Аллахтын тынчтыгы жана мактоосу болсун) минтип сурайт: согушта ал каапырлардын бирине бет келип, аны менен кылычташып, каапыр анын бир колун кылыч менен кыя чаап, анын качып барып дарактын артына жашынып: Лаа илааха иллаллааху деп келме айтса, аны өлтүрүү адал болобу? Пайгамбар (ага Аллахтын тынчтыгы жана мактоосу болсун): "Аны өлтүрбө" - дейт. Ал: оо, Аллахтын элчиси, ал менин бир колумду чаап салса да аны өлтүрбөймүнбү? - деп сурайт. Пайгамбарыбыз (ага Аллахтын тынчтыгы жана мактоосу болсун): Аны өлтүрбө, анткени анын каны сага арам болду. Эгер ал исламга киргенден кийин сен аны өлтүрсөң, ал каны ислам менен корголгон сенин ордуңда болот. А сен болсо аны өлтүргөнүң үчүн өч алууга каны адал болгон адамдын ордунда болуп каласың - дейт.

explain-icon

Хадистин пайдалары

  • Кимдин сөзү же кыймыл-аракети Исламды кабыл алганын көрсөтсө, аны өлтүрүү арам болот.
  • Эгер каапырлардын бири согуш учурунда Исламды кабыл алса, анын каны корголот. Аны кайра каапырлыгы анык болмоюнча өлтүрүүгө болбойт.
  • Мусулман адамдын каалоосу улутчулдугана жана кегине жараша эмес, шарияттын талабына жараша болууга тийиш.
  • Ибн Хажар минтип айткан: Окуя боло электе, анын болуу ыктымалдыгына жараша ал тууралуу суроого болот. Ал эми абалкы аалымдардын мындай нерсени суроо жакшы эмес деген пикири болуусу сейрек боло турган нерселерге карата айтылган. А адатта болуусу мүмкүн болгон нерсени билип алуу үчүн суроо шариятта тыюу салынган эмес.
explain-icon

cats

  1. home
  2. Акыйда (ишеним)
  3. Аталыштар жана терминдер
  4. Ислам
  5. hadith
explain-icon

more