Mikdad ibn Esvedi (Allahu qoftë i kënaqur me të!) e pyeti Profetin ﷺ: Nëse unë takoj një njeri nga jobesimtarët në betejë dhe përballemi me shpatat tona, derisa jobesimtari të më godasë me shpatë dhe të më presë njërën dorë. Pastaj ky jobesimtar ikën prej meje dhe strehohet pas një peme, e më pas thotë: "La ilahe il-lallah", a më lejohet ta vras atë pasi ma ka prerë dorën?" Profeti ﷺ i tha: "Mos e vrit!" Ai i tha: "O i Dërguari i Allahut! Ai ma preu njërën dorë, e megjithëkëtë të mos e vras?!" Profeti ﷺ tha: "Mos e vrit, sepse ai tani e ka gjakun haram (është i mbrojtur nga vrasja). Nëse ti e vret pasi ai ka pranuar Islamin, atëherë ai është në pozitën tënde, i mbrojtur nga vrasja për shkak të Islamit të tij, ndërsa ti do të ishe në pozitën e tij, ku gjaku yt do të jetë i lejuar për hakmarrje (kisas)."

• Kushdo që përmes fjalëve apo veprave të tij tregon se ka hyrë në Islam, është i ndaluar të vritet.
• Nëse një jobesimtar e pranon Islamin gjatë betejës, gjaku i tij bëhet i mbrojtur dhe është detyrë të ndalet sulmi ndaj tij, përveç nëse bëhet e qartë diçka e kundërt nga ana e tij.
• Është obligim për muslimanin që dëshirat e tij të jenë në përputhje me sheriatin, dhe jo të udhëhiqen nga fanatizmi ose dëshira për hakmarrje.
• Ibn Haxheri ka thënë: "Është e lejueshme të pyetet për çështje që mund të ndodhin, bazuar në mendimin se ngjarja në fjalë nuk kishte ndodhur ende. Ndërsa ajo që është transmetuar nga disa selefë (pararendës) për mospëlqimin e kësaj praktike, ka të bëjë me pyetjet për gjëra që rrallë ndodhin. Sa i përket asaj që ka gjasa të ndodhë zakonisht, është e ligjshme të pyetet rreth saj, në mënyrë që ta mësojmë."

1. Ballina
2. Akideja
3. Emrat dhe normat
4. Islami
5. Hadithi

• “Shembulli i besimtarëve në dashurinë, mëshirën e në solidarizimin ndërmjet tyre i ngjan një trupi të vetëm, aq sa kur vuan një gjymtyrë e tij, atëherë i gjithë trupi ndan me të pagjumësinë dhe ethet.”
• Hebrenjtë janë ata me të cilët Allahu është i zemëruar, ndërsa të krishterët janë të humbur
• Në qoftë se unë i fal namazet e detyrueshme, e agjëroj Ramazanin, hallallin e quaj hallall e haramin haram
• Ai, asnjëherë të vetme nuk ka thënë: "O Zoti im, m'i fal gjynahet e mia Ditën e Llogarisë!”