ነቢዩ (የአላህ ሶላትና ሰላም በእርሳቸው ላይ ይስፈንና) ባልደረቦቻቸውን: ድሀ ማን እንደሆነ ታውቃላችሁን? ብለው ጠየቁ። እነርሱም: በመካከላችን ድሃ የምንለው ገንዘብና እቃ የሌለውን ነው አሉ። እርሳቸውም: በኡመቴ ውስጥ የትንሳኤ ቀን ድሃ የሚባለው እንደ ሶላት፣ ዘካና ፆም የመሰሉ መልካም ስራዎችን ይዞ የሚመጣ ነው። (ነገር ግን) ሲመጣም ይህንን ሰድቦታል፣ ይህንን በክብሩ ዘልፎታል፣ የዚህን ገንዘብ በልቶ ክዶታል፣ የዚህን ደም አፍስሶ በድሎታል፣ ይህንን ደግሞ ደብድቦ አዋርዶታል። ለተበዳዮቹም ከምንዳዎቹ እየተቀነሰ ይሰጣቸዋል። እርሱ ላይ ያሉት ሐቆችና በደሎች ተፈርዶ ሳይጠናቀቅ መልካም ስራው ከተጠናቀቀ ከተበዳዩ ወንጀል ይወሰድና ወደ በዳዩ መዝገብ ይደረጋል። ከዚያም ምንም መልካም ስራ ስላልቀረው እሳት ውስጥ ተወርውሮ ይጣላል።

• ክልክል ተግባር ላይ ከመውደቅ መከልከሉ። በተለይም ቁሳዊና ሞራላዊ ከሆኑ የባሮች ሀቅ ጋር ተያያዥ ክልክሎች ላይ መውደቅ መከልከሉን እንረዳለን።
• የፍጡራን ሐቆች በመካከላቸው የሚፈታው በመካሰስ ላይ የተመሰረተ ሲሆን፤ ከሺርክ ውጪ ያለ የፈጣሪ ሐቅ ግን የተመሰረተው በይቅርባይነቱ ላይ ነው።
• ሰሚን የሚያጓጓ፣ እይታውን የሚያዞር፣ ሀሳቡን የሚሰርቅ በሆነ መልኩ ውይይታዊ የማስተማር ስልትን መጠቀም እንደሚገባ እንረዳለን። በተለይ ጥቆማ በመስጠትና በማነፅ (ተርቢያ) ጉዳይ ላይ አስፈላጊ ነው።
• የትክክለኛ ድሃ ትርጓሜ መገለፁ። እርሱም: የትንሳኤ ቀን ሐቅ ያላቸው ሰዎች መልካም ስራዎቹን የወሰዱበት ሰው ነው።
• ቂሳስ (የሸሪዓዊ የማመሳሰል ቅጣት) በመጪው ዓለም ምንም ምንዳ እስከማይቀር ድረስ የሁሉም በጎ ስራዎችን ምንዳ እስከማጠናቀቅ ሊያደርስ እንደሚችል እንረዳለን።
• አላህ ከፍጡራን ጋር ያለው መስተጋብር በፍትህና እውነት ላይ የተመሰረተ ነው።

1. ዋና ገፅ
2. ዐቂዳ (እምነት)
3. በመጨረሻው ቀን ማመን
4. የመጨረሻው ህይወት
5. ሓዲሥ

1. ዋና ገፅ
2. ትርፍ ተግባራትና ስነ-ስርዓት
3. ስነ-ምግባራዊ ፊቅህ
4. ውግዝ ስነ-ምግባር
5. ሓዲሥ

• እኔ ሐውድ (ኩሬ) ላይ ሁኜ ከናንተ መካከል ወደ እኔ የሚመጣን እመለከታለሁ። በአቅራቢያዬ ያሉ ሰዎች (እንዳይጠጡ) ይያዛሉ። እኔም "ጌታዬ ከኔ ከኡመቴ ናቸው’እኮ...
• ሰዎች የትንሳኤ ቀን ባዶ እግራቸውን፣ ራቁትና ያልተገረዙ ሆነው ይሰበሰባሉ።
• የወንድሙን ክብር በመንካት ወይም በአንዳች ነገር ወንድሙን የበደለ ሰው ዲናርና ዲርሃም የሌለበት ቀን ከመምጣቱ በፊት ዛሬ ከራሱ ላይ በደሉን ያስነሳ።...
• የትንሳኤ ቀን ፀሐይ ወደ ፍጡራን የአንድ ሚል (ማይል) ያህል ትቀርባለች።