پێغەمبەر -صلى اللە علیە وسلم- پرسیاری لە هاوەڵانی كرد: ئایا دەزانن كەسی مایەپووچ -موفلیس- كێیە؟ ووتیان: مایەپووچ لەلای ئێمە ؛ ئەو كەسەیە كە نە پارە ونە شتومەكی هەیە، فەرمووی: مایەپووچ لە ئومەتەكەمدا ئەو كەسەیە كە دێت لە ڕۆژی قیامەتدا وكردەوەی چاكی ئەنجامداوە لە نوێژ وڕۆژوو وزەكاتدان، بەڵام جوێن وتانەی لە كەسایەتی خەڵكی داوە، وپارەی خەڵكی خواردووە ونكۆڵی لێكردووە، وخوێنی خەڵكی ڕشتووە وستەمی لێكردوون، ولە خەڵكی داوە وسوكایەتی پێكردوون، بۆیە چاكەكانی دەدرێت بە ستەملێكراوەكان، وكاتێك چاكەی نامێنێت پێش ئەوەی مافی خەڵکی بەتەواوی بداتەوە؛ ئەوا لە خراپەكانی ستەملێكراوەكان وەردەگیرێت ودەخرێتە سەر تۆماری ستەمكار، پاشان فڕێ دەدرێتە نێو دۆزەخ چونكە هیچ چاكەیەكی نەماوە.

• ئاگادارکردنەوە لە کردنی حەرامکراوەکان، بەتایبەتی ئەوەى پەیوەستە بە مافە دارایی و واتاییەکانی بەندەکان.
• مافەكانی نێوان بەندەكان لەسەر وەرگرتنەوە و نا-لێبووردەیی و تۆڵەسەندنەوە بنیات نراوە، ومافەكانی پەروەردگار جگە لە شیرك ؛ بنیات نراوە لەسەر لێبووردەیی.
• بەکارهێنانی شێوازێکی گفتوگۆ کە ببێتە هۆی سەرنجڕاکێشانى وگرنگیپێدانى بیسەر، بەتایبەت لە بابەتی پەروەردە وڕێنموێنی کردن.
• ڕوونكردنەوەی مانای ڕاست وهەقیقی (مایەپووچ:موفلیس)، ئەمیش ئەو كەسەیە كە نەیارەكانی كردەوە چاكەكانی دەبەن لە ڕۆژی قیامەتدا.
• تۆڵەسەندنەوە لە قیامەتدا لەوەیە لەسەر هەموو كردەوە چاكەكان بێت، بۆیە هیچ كردەوەیەكی چاك ناهێڵێت.
• مامەڵەکردنی خواى گەورە لەگەڵ بوونەوەرەکاندا لەسەر دادپەوەری وهەق وڕاستی بنیات نراوە.

1. سه‌ره‌كی
2. عەقیدە (بیروباوەڕ)
3. باوەڕهێنان بە ڕۆژی دوایی
4. ژیانی ڕۆژی دوایی
5. فەرموودە

1. سه‌ره‌كی
2. فەزڵەکان وئادابەکان
3. فیقهی ڕەوشتەکان
4. ڕەوشتە ناشیرینەکان
5. فەرموودە

• من یەکەم لەسەر ئەژنۆ دەکەوم لە پێش پەروەردگاری میهرەبان بۆ گفتوگۆکردن لەسەر ناکۆکیەکان لە ڕۆژی قیامەتدا
• ئێوە پەروەردگارتان دەبینن هەروەکو چۆن ئەم مانگە دەبینن
• هەرکەسێک فەرموودەیەک لە منەوە بگێڕێتەوە وپێی وا بێت کە ئەم فەرموودەیە درۆیە (هەڵبەستراوە)؛ ئەوا خۆی یەکێکە لە دوو درۆزنەکە
• پیاوی قەڵەو و زل دەهێندرێت لە ڕۆژی قیامەتدا؛ لای خوای گەورە کێشی باڵە مێشوولەیەکی نییە