Profeti ﷺ i pyeti shokët e tij: "A e dini se kush është i falimentuari?" Ata thanë: "I falimentuari në mesin tonë është ai që nuk ka pasuri e as mall." Kësisoj u tha Profeti ﷺ: "I falimentuari nga umeti im në Ditën e Kiametit është ai që bën vepra të mira, si: namazi, agjërimi dhe zekati dhe vjen, ndërsa dikë ka sharë dhe ka ofenduar, tjetrin e ka akuzuar në nder, të tretit ia ka ngrënë pasurinë dhe e ka mohuar këtë gjë, të pestit i ka derdhur gjakun dhe i ka bërë zullum, të gjashtin e ka rrahur dhe poshtëruar, kësisoj të shtypurit u jepen prej të mirave të tij. Andaj, nëse veprat e tij të mira shteren para se të eliminohen të drejtat dhe zullumet, të shtypurit do t'i hiqen mëkatet dhe do të vendosen në regjistrat e shtypësit (të falimentuarit), pastaj do të hidhet në Zjarr, ku nuk do t'i mbetet asnjë vepër e mirë.

• Paralajmërimi për t'u shmangur nga rënia në harame, veçanërisht në ato që kanë të bëjnë me të drejtat materiale dhe morale të njerëzve.
• Të drejtat e njerëzve mes vete janë të bazuara në llogari dhe kërkesë të plotë të drejtësisë, ndërsa të drejtat e Krijuesit, përveç shirkut (idhujtarisë), janë të bazuara në falje.
• Përdorimi i metodës së bashkëbisedimit që ngjall kërshërinë e dëgjuesit, tërheq vëmendjen e tij dhe nxit interesimin e tij, veçanërisht në edukim dhe udhëzim.
• I falimentuari i vërtetë, sipas kuptimit islam, është ai njeri të cilit kundërshtarët e tij në Ditën e Gjykimit do t'ia marrin veprat e mira.
• Hakmarrja në botën tjetër mund t'i zhdukë të gjitha veprat e mira, aq sa të mos lërë asgjë prej tyre.
• Allahu i trajton njerëzit në bazë të drejtësisë dhe së vërtetës.

1. Ballina
2. Akideja
3. Besimi në Ditën e Gjykimit
4. Jeta e amshuar
5. Hadithi

1. Ballina
2. Vlera dhe rregullat
3. Fikhu i etikës
4. Vetitë e këqija
5. Hadithi

• “A doni t'ju tregoj për banorët e Xhenetit? Çdo i dobët e modest, i cili sikur të betohej në Allahun për diçka, Ai do t'ia çonte në vend betimin. A doni t'ju tregoj për banorët e Zjarrit? Çdo i vrazhdë, arrogant dhe mendjemadh.”...
• “Grupi i parë që do të hyjnë në Xhenet do të kenë pamjen e hënës së plotë, ndërsa të tjerët pas tyre sikurse ylli më i shndritshëm në qiell
• “Ata që mallkojnë shumë, nuk do të jenë as dëshmitarë e as ndërmjetësues në Ditën e Kiametit.”
• Ruhuni nga padrejtësia, sepse padrejtësia është errësirë në Ditën e Gjykimit. Ruhuni nga koprracia, sepse koprracia i shkatërroi ata që ishin para jush