Nakarinig si Jābir bin `Abdillāh (malugod si Allāh sa kanilang dalawa) sa Propeta (basbasan siya ni Allāh at pangalagaan) na nagsasabi noong Taon ng Pagsakop habang siya ay nasa Makkah: "Tunay na si Allāh at ang Sugo Niya ay nagbawal ng pagtitinda ng alak, patay, baboy, at mga anito." Kaya sinabi: "O Sugo ni Allāh, pinahihintulutan po ba na magtinda kami ng mga taba ng patay dahil ang mga ito ay ipinampapahid sa mga bangka, ipinanlalangis sa mga katad, at ipinangniningas ng mga tao sa mga sulo nila?" Kaya nagsabi siya: "Hindi; ang pagtitinda ng mga ito ay bawal." Pagkatapos nagsabi pa siya (basbasan siya ni Allāh at pangalagaan) sa sandaling iyon: "Pasawiin nawa ni Allāh ang mga Hudyo at sumpain nawa Niya sila. Tunay na noong si Allāh ay nagbawal sa kanila ng mga taba ng mga hayop na iyon, nilusaw nila ang mga ito, pagkatapos itininda nila ang langis ng mga iyon saka kinain nila ang halaga niyon."

• Nagsabi si Imām An-Nawawīy: Ang patay, ang alak, at ang baboy ay nagkaisa ang Muslim sa pagbabawal sa pagtitinda ng bawat isa sa mga ito.
• Nagsabi si Al-Qāḍī: Naglaman ang ḥadīth na ito na ang anumang hindi ipinahihintulot kainin at pakinabangan ay hindi pinapayagang itinda at hindi ipinahihintulot ang halaga nito, gaya ng sa mga tabang binanggit sa ḥadīth.
• Nagsabi si Ibnu Ḥajar: Ang konteksto nito ay nagpaparamdam nang may lakas na ang binigyang-pakahulugan ng pinakamarami ay na ang tinutukoy sa sabi niya na: "ito ay bawal" ay ang pagtitinda hindi ang pakikinabang.
• Ang bawat panlalalang na ipinanghahantong sa pagpapahintulot ng isang ipinagbabawal ay walang-kabuluhan.
• Nagsabi si Imām An-Nawawīy: Nagsabi ang mga maalam: Kaugnay sa pagkapangkalahatan ng pagbabawal ng pagtitinda ng patay, ipinagbabawal ang pagtitinda ng bangkay ng tagatangging sumampalataya kapag napatay natin ito at hiniling ng mga tagatangging sumampalataya na bilhin ito o bayaran ng panumbas para rito. Nasaad nga sa ḥadīth na si Nawfal bin `Abdillāh Al-Makhzūmīy ay napatay ng mga Muslim nang Araw ng Trinsera kaya nagkaloob ang mga tagatangging sumampalataya alang-alang sa katawan niya ng sampung libong dirham para sa Propeta (basbasan siya ni Allāh at pangalagaan) ngunit hindi siya tumanggap nito at ibinigay niya ang bangkay sa kanila.

1. Ang Pangunahin
2. Ang Fiqh at ang mga Batayan Nito
3. Ang mga Pagkain at ang mga Inumin
4. Ang Ipinahihintulot at Ipinagbabawal mula sa mga Hayop at mga Ibon
5. Ang ḥadīth

• Ito ay panustos na pinalabas ni Allah para sa inyo kaya mayroon ba kayong anuman sa karne nito, na ipakakain ninyo sa amin? Kaya nagpadala kami sa Sugo ni Allah, pagpalain siya ni Allah at pangalagaan, mula roon at kinain niya iyon.
• Nakipag-darambong kami kasama ang Sugo ni Allah-pagpalain siya ni Allah at pangalagaan-nang pitong beses na pagdarambong,kumakain kami ng balang
• Ang Sugo ni Allah, pagpalain siya ni Allah at pangalagaan, ay nag-utos dito na patayin ang mga tuko at nagsabi siya: Ito ay umiihip noon [sa apoy] kay Abraham.
• sumaway laban sa [pagkain ng] bawat may pangil mula sa mga mabangis na hayop at laban sa [pagkain ng] bawat may kukong pandagit mula sa mga ibon.}