رسول الله صلی الله علیه وسلم د شیطان حالت او د هغه چا سره د مبارزې په اړه خبر ورکوي چې غواړي د شپې یا سهار لمانځه لپاره پاڅېږي. نو مؤمن انسان چې کله ویده شي، شیطان یې څټ یعنې: د سر شاته برخې ته درې غوټي ورکړي. کله چې مؤمن له خوبه راویښ شي او د الله جل جلاله ذکر وکړي او د شیطان وسوسې ونه منې؛ نو یوه غوټه خلاصه شي. او کله چې اودس وکړي دویمه خلاصه شي. او که پاڅېده لمونځ یې وکړ دریمه غوټه هم خلاصه شي، نو تازه او پاکیزه راپاڅیږي، او خوشحاله وي پدې چې الله تعالی د بندګۍ توفیق ورکړ، او پدې چې الله تعالی ورسره د اجر او بخښنې ژمنه کړې ده، سربېره پر دې د شیطان له غوټو او تړلو یې هم خلاص کړ، که نه نو مردار به پروت وی، زړه به یې خفه و او د خیر او نیکۍ په کارونو کې به سست وی؛ ځکه چې د شیطان په زنځیرونو تړلی او د رحمن ذات له نږدې کیدو به لرې وی.

• شیطان تل هڅه کوي چې په هره لاره کې د انسان او د الله تعالی د اطاعت تر منځه خنډ وګرځي، د شیطان له شر څخه د بنده د خلاصون هېڅ لاره نشته پرته له دې چې له الله تعالی څخه مرسته وغواړي، او د مخنیوي او ساتنې وسیلې وکاروي.
• د الله جل جلاله ذکر او عبادت په روح کې فعالیت او د زړه سکون پیدا کوي، سستي او تنبلي له منځه وړي، او نا اميدي او نفرت له منځه وړي؛ ځکه چې پدې سره شیطان شړل کیږي او دا یې له وسوسو څخه دي.
• مؤمن پدې خوشحالیږي چې الله جل جلاله د خپل اطاعت توفیق ورکړي او د نیکمرغۍ او کمال په درجو کې د خپلې نیمګړتیا له امله خپه کیږي.
• په اطاعت کې بې پروایې او تنبلي د شیطان کار او زیور دی.
• دا درې کارونه-د الله تعالی یادول، اودس او لمونځ- شیطان شړي.
• شیطان ځکه په ځانګړې توګه د سر وروستۍ برخې ته غوټه ورکوي چې د قدرت مرکز او د کنترول ځای دی، نو کله چې غوټه ورکړي کولی شي د انسان روح په خپل کنټرول کې واخلي او خوب ورباندې راولي.
• ابن حجر العسقلاني وايي: هغه په ​​خپلې دې وينا کې چې "عليك ليل" "مخې ته دې شپه ده"، ځکه یادونه وکړه چې ظاهراً دا کار د شپې د خوب پورې ځانګړی دی.
• ابن حجر العسقلاني فرمايي: د دې ذکر لپاره داسې کوم خاص څه نشته چې له هغه پرته بل څه نه منل کیږي، بلکې هر هغه څه چې د الله تعالی ذکر وي منل کیږي چې پدې کې د قرآن کریم تلاوت، د نبوي حدیثونو لوستل او په شرعي علم بوختیا شامل دي، او هغه څه چې تر ټولو ښه ذکر پرې کیږي د رسول الله صلی الله علیه وسلم هغه وینا ده چې فرمایلي یې دي: څوک چې د شپې له خوبه راویښ شو او ویې ویل: (لا إله إلا الله وحده لا شريك له، له الملك وله الحمد وهو على كل شيء قدير، الحمد لله، وسبحان الله، ولا إله إلا الله، والله أكبر، ولا حول ولا قوة إلا بالله، او بیا یې وویل:اللهم اغفر لي، یعنې یا الله ماته بخښنه وکړې، نو دعا به یې قبول شي، او که اودس یې وکړ لمونځ به یې قبول شي) دا حدیث بخاري روایت کړی دی.

1. کور‌پاڼه
2. فقه او اصول یې
3. د عبادتونو فقه
4. پاکوالی (پاکوالی)
5. اودس
6. د اودس فضیلت
7. حدیث

1. کور‌پاڼه
2. فضایل او آداب
3. د دعاګانو او اذکارو فقه
4. د الله تعالی د یادولو ګټې
5. حدیث

• د هغه چا مثال چې خپل رب یادوي او د هغه چا مثال چې خپل رب نه یادوي د ژوندي او د مړي دی
• کله چې یو سړی کور ته ننوځي او د ننوتلو او ډوډۍ خوړلو پر مهال الله یاد کړي نو شیطان -خپلو ملګرو ته-ووایي: نه د اوسېدو ځای لرئ او نه درته ډوډۍ شته...
• څوک چې: لا إله إلا الله، وحده لا شریک له، له الملک وله الحمد، وهو على کل شيء قدیر، په ورځ کې سل ځلې ووایي
• څوک چې: سُبْحَانَ اللهِ العَظِيمِ وَبِحَمْدِهِ ووایي نو د هغه لپاره په جنت کې یوه د خرما ونه کښېنول شي