Annabi yo jam e kisal won e makko ina habra wonde si juulɓe ɗiɗe kaɓrii jaaseeje (kafaje)maɓɓe, gooto e maɓɓe fof ina faandi warde goɗɗo; barɗo o naatat yiite sabu ko kanko woni coccandirɗo e warngo he. Sahabaaɓe ɓe njiɓara baraaɗo o: Hono oon naatrata jayngol ? Nelaaɗo habri oon naatat yiite sabu reerɗunoode mbo e warde gonndiijo makko, alah fof ko haɗi mbo warde gonndiijo makko si wonah ko oya idii mbo warde ko.

• Leɓte ina njojja e oon pellitɗo waɗde goopol e ɓernde makko o coccondiri e sababuuji mum.
• Jeertinde sattunde ko faati e warandirde juulɓe e fodande ɓe yiite.
• Hare(hamre) hakkunde juulɓe fawiinde e goongo naataani e ngool kulɓingol, hono haɓde e bewɓe e bonnooɓe.
• Baɗɗo bakkaat mawɗo waɗatah joom mum heefarinde; sabu Nelaaɗo innarii haɓɓe ɓe juulɓe.
• Si juulɓe ɗiɗa mbarandirii e kala laawol ngol warngo ngo woniri, gooto o wari goɗɗo o barɗo e baraaɗo o fof ko yiite naatata, innude jaasi e hadiis he ko tottirde yeru tan.