হাদীছটোত বৰ্ণিত হৈছে যে, নবী চাল্লাল্লাহু আলাইহি অছাল্লামে মানুহক দুটা ডাঙৰ ফজিলত সম্পৰ্কে অৱগত কৰিছে। প্ৰথমঃ যিয়ে সুন্দৰকৈ ছুন্নতি নিয়ম অনুসৰি পৰিপূৰ্ণৰূপে অজু কৰিব, অজুৰ প্ৰতিটো অংগ পানীৰে ভালকৈ ধুই ল'ব আৰু তাৰ পিছত ক'বঃ (أَشْهَدُ أَنْ لَا إِلَهَ إِلَّا اللهُ وَأَنَّ مُحَمَّدًا عَبْدُ اللهِ وَرَسُولُهُ) (অৰ্থঃ মই সাক্ষ্য দিওঁ যে, আল্লাহৰ বাহিৰে আন কোনো সত্য উপাস্য নাই আৰু মুহাম্মদ হৈছে আল্লাহৰ বান্দা আৰু তেওঁৰ ৰাছুল।) তাৰ বাবে জান্নাতৰ আঠটা দুৱাৰে খোলা হ'ব, যিটোৰে ইচ্ছা সেইটোৰে তেওঁ প্ৰৱেশ কৰিব পাৰিব। দ্বিতীয়ঃ যিয়ে এইদৰে পৰিপূৰ্ণৰূপে অজু কৰিব আৰু তাৰ পিছত থিয় হৈ দুই ৰাকাত নামাজ পঢ়িব। য'ত তেওঁ ইখলাচৰ সৈতে বিনয়ী হৈ থিয় হ'ব, লগতে শৰীৰৰ সকলো অংগ আল্লাহৰ বাবে নত কৰিব, তাৰ বাবে জান্নাত অনিবাৰ্য হৈ যায়।

• এইটো মহান আল্লাহৰ এটা মহা অনুগ্ৰহ যে তেওঁ সৰু সুৰা কামৰো ডাঙৰ ছোৱাব প্ৰদান কৰে।
• পৰিপূৰ্ণৰূপে তথা অজুৰ অংগবোৰ ভালকৈ ধুবলৈ চৰীয়তে নিৰ্দেশনা দিছে। ইয়াৰ পিছত দুই ৰাকাত নামাজ পঢ়িলে মহা ছোৱাব অৰ্জন হয়।
• পৰিপূৰ্ণৰূপে অজু কৰি এই দুআ পাঠ কৰাটো হৈছে জান্নাতত প্ৰৱেশৰ অন্যতম এটা উপায়।
• গোছল কৰাৰ পিছতো এই দুআটো পাঠ কৰা মুস্তাহাব।
• ইল্ম শিকা আৰু প্ৰচাৰ-প্ৰসাৰ কৰাৰ দৰে কল্যাণৰ ক্ষেত্ৰত চাহাবাসকল অত্যন্ত আগ্ৰহী আছিল। লগতে এই ক্ষেত্ৰত তেওঁলোকে ইজনে সিজনক সহায়ো কৰিছিল আৰু তেওঁলোকে জীৱিকা অৰ্জনৰ কামতো সহায়-সহযোগিতা আগবঢ়াইছিল।
• যিদৰে অজু কৰিলে শৰীৰ পৱিত্ৰ হয় ময়লা-আৱৰ্জনাৰ পৰা, ঠিক সেইদৰে এই দুআটো পাঠ কৰিলে শ্বিৰ্কৰ পৰা অন্তৰ পৱিত্ৰ হয়।

1. মুখ্য পৃষ্ঠা
2. ফিক্হ আৰু উচুলে ফিক্হ
3. ইবাদাত সম্পৰ্কীয় ফিক্হ
4. তাহাৰাত
5. অজু
6. অজুৰ নিয়ম-নীতি আৰু ছুন্নতসমূহ
7. হাদীছ

• নবী চাল্লাল্লাহু আলাইহি অছাল্লামে এক ছা'ৰ পৰা পাঁচ মুদ পৰ্যন্ত পানীৰে গোছল কৰিছিল আৰু তেখেতে অজু কৰিছিল এক মুদ পানীৰে।...
• নবী চাল্লাল্লাহু আলাইহি অছাল্লামে অজু কৰাৰ সময়ত (অজুৰ অংগবোৰ) দুবাৰ দুবাৰকৈ ধুইছিল।
• নবী চাল্লাল্লাহু আলাইহি অছাল্লামে অজু কৰাৰ সময়ত (অজুৰ অংগবোৰ) এবাৰ এবাৰকৈ ধুইছিল।
• পৰিপূৰ্ণৰূপে অজু কৰিবা, আঙুলি ফাকে ফাকে খিলাল কৰিবা, আৰু যদি তুমি ৰোজা অৱস্থাত নাথাকা তেন্তে নাকৰ ভিতৰত পানী টানিলৈ ভালদৰে নাক পৰিষ্কাৰ কৰিবা।...