ప్రవక్త సల్లల్లాహు అలైహి వసల్లం ప్రజలతో మాట్లాడుతున్నప్పుడు రెండు గొప్ప ధార్మిక ఆచరణలను వివరించారు: మొదటిది: ఎవరైతే ఉదూను ఆచరిస్తాడో మరియు దానిని చక్కగా, పూర్తిగా, సంపూర్ణంగా మరియు నిర్దేశించిన పద్ధతిలో పరిపూర్ణం చేసి, ప్రతి అవయవానికి దానికి తగిన మొత్తంలో నీటిని అందజేసి, అప్పుడు ఇలా: “అష్’హదు అన్ లా ఇలాహ ఇల్లల్లాహు, వ అన్న ముహమ్మదన్ అబ్దుల్లాహి వ రసూలుహు” అని పలుకుతాడో, అతని కొరకు స్వర్గపు ఎనిమిది ద్వారాలు తెరువ బడుతాయి. ఏ ద్వారము ద్వారా కోరుకుంటే ఆ ద్వారము నుండి అతడు స్వర్గములోనికి ప్రవేశించవచ్చు.” రెండవది: ఎవరైతే ఉదూ చేయునపుడు ఉదూను పూర్తిగా, సంపూర్ణంగా ఆచరించి, తరువాత నిలబడి, రెండు రకాతులను, హృదయపూర్వకంగా మరియు వినయముతో వాటి వైపునకు తిరిగి, అతడి ముఖాన్ని మరియు శరీరంలోని అన్ని అవయవాలను అల్లాహ్ కే (ఆయన ఆరాధనకే) సమర్పించుకుని ఆచరిస్తాడో, స్వర్గం అతని కొరకు విధి (వాజిబ్) చేయబడుతుంది.

• ఈ హదీథులో తన దాసునికి అతడు ఆచరించే చిన్న పనికి సర్వశక్తిమంతుడైన అల్లాహ్ అత్యంత శ్రేష్ఠమైన ప్రతిఫలం ఇవ్వడంలో ఆయన యొక్క ఘనమైన కరుణ, దయ తెలుస్తున్నాయి.
• ఈ హదీథు ద్వారా – సంపూర్ణంగా ఉదూ చేయడం మరియు దానిని పరిపూర్తి చేయడం, తరువాత హృదయపూర్వకంగా, వినయంతో రెడు రకాతుల నమాజు ఆచరించడం షరియత్’లోని విషయమేనని, మరియు దానికి అత్యంత శ్రేష్ఠమైన ప్రతిఫలం ఉన్నదని తెలియుచున్నది.
• పరిపూర్ణంగా ఉదూ ఆచరించి, తరువాత పైన పేర్కొన్న దుఆ చదవడం స్వర్గములోనికి ప్రవేశార్హతను పొందే మార్గములలొ ఒకటి.
• ఉదూ ఆచరించిన వాని కొరకు పైన పేర్కొన్న దుఆ చదవడం అనేది అభిలషణీయమైనది.
• ప్రవక్త సల్లల్లాహు అలైహి వసల్లం సహచరులు (సహాబాలు) ఎప్పుడూ ఙ్ఞానసముపార్జన చేయుట మరియు ఙ్ఞానాన్ని వ్యాప్తి చేయు వంటి మంచిపనులలో ఎక్కువ ఆసక్తిని కలిగి ఉండేవారు; అలాగే ఈ పనులలో, మరియు జీవనోపాధికి సంబంధించిన పనులలో ఒకరికొకరు బాగా సహకరించుకునే వారు.
• పరిపూర్ణంగా ఉదూ ఆచరించిన తరువాత అల్లాహ్ యొక్క స్మరణ చేయుట హృదయాన్ని పరిశుద్ధ పరుస్తుంది; షిర్క్ (బహుదైవారాధన) నుండి పరిశుభ్రపరుస్తుంది; ఏ విధంగానైతే ఉదూ శరీరాన్ని శుభ్రపరుస్తుంది, మరియు దాని నుండి మురికిని దూరం చేస్తుంది.

1. హోమ్
2. ఫిఖ్ మరియు దాని నియమాలు
3. ఆరాధనల ధర్మశాస్త్ర జ్ఞానం
4. తహారత్
5. వజూ
6. వజూ యొక్క సున్నత్ లు మరియు పద్దతులు.
7. హదీస్

• “ప్రవక్త సల్లల్లాహు అలైహి వసల్లం వుజూ చేయునపుడు శరీరభాగాలను ఒక్కొక్కసారే కడిగినారు.”
• రసూలుల్లాహ్ సల్లల్లాహు అలైహి వసల్లం జనాబత్ గుస్ల్ (స్నానం) ఒక ‘సా’ నీటితో, మరియు ఉదూ ఒక ‘ముద్’ నీటితో పూర్తి చేసేవారు...
• “ప్రవక్త సల్లల్లాహు అలైహి వసల్లం వుజూ చేయునపుడు తన శరీరభాగాలను రెండు-రెండు సార్లు కడిగినారు.”...
• “ప్రవక్త సల్లల్లాహు అలైహి వసల్లం స్నానం చేసినా, లేక ‘గుస్ల్’ చేసినా ఒక ‘సా’ నుండి ఐదు ‘ముద్’ ల నీళ్ళతో చేసేవారు. ఉదూ కేవలం ఒక ‘ముద్’ నీళ్ళతో చేసేవారు...