Profeti ﷺ, teksa ligjëronte, i sqaroi dy virtyte madhështore: I pari: ai që merr abdes me përsosuri, e plotëson dhe e përkryen sipas metodës profetike e i jep çdo gjymtyre sasinë e duhur të ujit, e pastaj thotë: "Eshhedu en la ilahe il-lallah ve enne Muhameden abduhu ve resuluhu (Dëshmoj se s'ka të adhuruar të denjë përveç Allahut dhe se Muhamedi është rob dhe i Dërguari i Tij)", i hapen tetë dyert e Xhenetit, të hyjë nga cila të dojë.” I dyti: ai që e merr këtë abdes të plotë dhe të përkryer, pastaj ngrihet pas këtij abdesi dhe i fal dy rekate, i përqëndruar në të me zemrën e tij me sinqeritet dhe përkushtim, duke ia dorëzuar fytyrën dhe të gjitha gjymtyrët e tij Allahut, Xheneti do t'i bëhet obligim.

• Mirësia e Allahut të Lartësuar është e madhe, meqë Ai shpërblen shumë për një vepër të vogël.
• Përligjja e marrjes së abdesit në formë të plotë dhe të përsosur, falja e dy rekateve me përulje pas tij dhe shpërblimi madhështor që arrihet me këtë vepër.
• Marrja abdes në mënyrë të përsosur dhe thënia e këtij dhikri pas tij është prej shkaqeve për të hyrë në Xhenet.
• Ky dhikër po ashtu është i rekomanduar të thuhet nga ai që merr gusël.
• Sahabët ishin të prirë për të bërë të mira, si mësimi dhe përhapja e diturisë, si dhe bashkëpunonin për të bërë këtë dhe për çështje të tjera të kësaj bote.
• Dhikri pas abdesit e kristalizon dhe e pastron zemrën nga shirku (idhujtaria), ashtu siç e pastron abdesi trupin nga papastërtia.

1. Ballina
2. Fikhu dhe usuli-fikh (bazat e fikhut)
3. Fikhu i ibadeteve
4. Pastërtia
5. Abdesi
6. Sunetet dhe rregullat e abdesit
7. Hadithi

• Profeti ﷺ mori abdes duke i larë gjymtyrët nga dy herë
• Profeti ﷺ merrte abdes me një palë grushte me ujë dhe lahej me një saë, deri në pesë palë grushte me ujë
• Profeti ﷺ mori abdes duke i larë gjymtyrët vetëm nga një herë