اللہ کے نبی صلی اللہ علیہ و سلم نے اس بات سے خبردار کیا ہے کہ کوئی عورت اولیا کی اجازت کے بغیر شادی کر لے۔ آپ نے اس طرح کے نکاح کو باطل کہا ہے اور اس جملے کو تین بار دوہرایا ہے۔ گویا کہ یہ نکاح ہوا ہی نہیں۔ اگر عورت کے ولی کی اجازت کے بغیر اس سے نکاح کرنے والے شخص نے اس سے دخول کر لیا، توچوں کہ اس سے جماع کرلیا ہے اس لئے اس عورت کو پورا مہر ملے گا۔ اس کے بعد فرمایا کہ اگر ولایتِ عقد کے سلسلے میں اولیا کے درمیان اختلاف ہو جائے اور سارے اولیا مرتبے میں برابر ہوں، تو اس کا کیا ہوا عقد درست ہوگا جو پہلے عقد کرائے، بشرطیکہ اس نے عورت کے مصالح کا خیال رکھتے ہوئے نکاح کرایا ہو۔ اگر ولی نکاح کرانے سے منع کر دے، تو ایسا مانا جائے گا کہ اس کا ولی نہيں ہے۔ ایسے میں سلطان اور اس کا قائم مقام جیسے قاضی وغیرہ اس کے ولی ہوں گے۔ لیکن ولی کی موجودگی میں سلطان کو حق ولایت حاصل نہيں ہو سکتا۔

• نکاح صحیح ہونے کے لیے ولی کا ہونا شرط ہے۔ ابن المنذر سے نقل کیا گیا ہے کہ کسی بھی صحابی سے اس کی مخالفت معلوم نہیں ہے۔
• باطل نکاح میں عورت، مرد کا اس کے ساتھ وطی کرنے کے مقابلے میں مہر کی حق دار ہوگی۔
• حاکم وقت اس عورت کا ولی وسرپرست ہے جس کا کوئی سرپرست نہ ہو، خواہ اس کی وجہ یہ ہو کہ حقیقت میں اس کا ولی نہ ہو یا اس لیے کہ اس کا ولی اس کی شادی کرانے کے لیے تیار نہ ہو۔
• ولی مفقود ہونے یا دست یاب نہ ہونے کی صورت میں سلطان ولی ہوگا اور اس کے قائم مقام کے طور پر قاضی کام کرے گا، کیوں کہ ان مسائل میں قاضی سلطان کا نائب ہے۔
• کسی کو عورت کی شادی کرانے کا ولی بنانے کا مطلب یہ نہيں ہے کہ اسے کوئی حق نہيں ہے۔ سچائی یہ ہے کہ اسے حق ہے اور اس کی اجازت کے بغیر اس کا ولی اس کی شادی نہيں کرا سکتا۔
• نکاحِ صحیح کی شرطیں: 1- اشارہ کر کے، نام لے کر یا صفات وغیرہ بیان کر کے میاں بیوی دونوں کی تعیین کرنا۔ 2- میاں بیوی دونوں کا راضی ہونا۔ 3- عورت کا عقد اس کا ولی کرائے۔ 4- عقدِ نکاح کا گواہ بنانا۔
• عقدِ نکاح کرانے والے ولی کے اندر درج ذیل شرطیں ہونی چاہیے: 1- عاقل ہونا۔ 2۔ مرد ہونا۔ 3- بالغ ہونا۔ بالغ ہونے کا مطلب یہ ہے کہ عمر پندرہ سال ہو جائے یا احتلام ہونے لگے۔ 4- یکساں دین۔ لہذا کوئی کافر کسی مسلمان مرد یا عورت کا ولی نہيں بن سکتا۔ اسی طرح کوئی مسلمان کسی کافر مرد یا عورت کا ولی نہيں بن سکتا۔ 5- عدالت جو فسق کی منافی ہے۔ عدالت کا مطلب یہ ہے کہ انسان اس عورت کے مصالح کا خیال رکھنے کی صلاحیت رکھتا ہو، جس کی شادی وہ کرا رہا ہے۔ 6- ولی سمجھ دار ہو۔ نا سمجھ نہيں۔ یعنی اس کے اندر کفاءت اور مصالحِ نکاح کو جاننے کی صلاحیت موجود ہو۔
• فقہا کے نزدیک شادی کرانے کے معاملے میں عورت کے اولیا کی ایک ترتیب ہے۔ لہذا دور کے ولی کو ولایت کا حق اسی وقت حاصل ہوگا، جب قریبی ولی موجود نہ ہو یا اس ولی میں ولایت کی شرطیں نہ پائی جائيں۔ عورت کا ولی اس کا باپ ہے، پھر باپ کا وصی ہے، پھر دادا اور اس سے اوپر کے اجداد ہيں، پھر بیٹا ہے، پھر پوتے اور پڑپوتے ہیں، پھر حقیقی بھائی ہے، پھر باپ شریک بھائی ہے، پھر دونوں کے بیٹے ہيں، پھر حقیقی چچا ہے، پھر باپ شریک چچا ہے، پھر دونوں کے بیٹے ہيں، پھر قریب ترین خاندانی رشتے کے لوگ ہیں، جو میراث کے حق دار ہوا کرتے ہيں۔ اس کے بعد مسلم حمکراں اور اس کا نائب جیسے قاضی وغیرہ اس کا ولی ہے، جس کا کوئی ولی نہ ہو۔

1. صفحہ رئیسی
2. فقہ و اصولِ فقہ
3. خاندان سے متعلق شرعی مسائل
4. نکاح
5. حدیث

• نکاح کا اعلان کرو
• تم میں سے ایک شخص اپنی بیوی کو غلام کی طرح مارتا ہے، حالانکہ (یہ نہیں سوچتا کہ) شاید وہ اسی دن کے آخری حصہ میں اس سے ہم بستر بھی ہو۔
• رسول اللہ ﷺ نے عثمان بن مظعون رضی اللہ عنہ کو بغیر شادی کے زندگی گزارنے کی اجازت نہیں دی، اگر آپ انہیں اس کی اجازت دے دیتے تو ہم خصی ہو جاتے۔...
• شادی شدہ لڑکی، اپنے نفس کی اپنے ولی سے زیادہ حق دار ہے اور کنواری لڑکی سے اس کے بارے میں اجازت لی جائے گی اور اس کی خاموشی ہی اس کی اجازت ہے۔...