Profeti ﷺ në këtë hadith ndalon që t'u paraprihet hebrenjve dhe të krishterëve me selam, madje edhe nëse ata janë dhimmij (të mbrojtur), e lëre më me të tjerët nga radhët e jobesimtarëve. Ai gjithashtu shpjegoi se nëse takojmë ndonjë prej tyre në rrugë, i detyrojmë të kalojnë në pjesën më të ngushtë të rrugës. Besimtari është ai që ecën në mes të rrugës, ndërsa ai që largohet mënjanë është jobesimtari. Asnjëherë nuk duhet të jetë muslimani i përçmuar.

• Nuk lejohet që një musliman t'u paraprijë hebrenjve, të krishterëve apo jobesimtarëve të tjerë me selam.
• Është e lejuar t'ua kthesh selamin atyre, nëse ata fillojnë selamin të parët, duke u thënë: "Ue alejkum - edhe mbi ju."
• Nuk lejohet që një musliman të synojë ta dëmtojë një jobesimtar, duke e detyruar atë të kalojë në pjesën më të ngushtë të rrugës pa arsye. Por, nëse rruga është e ngushtë ose e mbushur, muslimani ka më shumë të drejtë të kalojë, ndërsa jobesimtari largohet mënjanë.
• Të shfaqet krenaria e muslimanëve dhe nënshtrimi i të tjerëve, pa bërë padrejtësi apo pa thënë fjalë të pahijshme.
• Ngushtimi ndaj jobesimtarëve (siç u cek në hadith) është për shkak të mosbesimit të tyre ndaj Allahut të Lartësuar. E ky veprim mund të jetë shkak për pranimin e Islamit, kësisoj të shpëtojnë nga Zjarri, nëse kjo i shtyn ata të kërkojnë e ta dinë arsyen e këtij veprimi.
• Nuk ka problem që muslimani t'i thotë një jobesimtari fillimisht: "Si je?", "Si je gdhirë?", "Si je ngrysur?" dhe të ngjashme, nëse është e arsyeshme, sepse ndalimi (në hadithe) është i lidhur me dhënien e selamit.
• Tibiu ka thënë: "Qëndrimi më i zgjedhur është që bidatçiut (përhapësit të risive në fe) nuk i jepet selami i pari. E nëse ai i jep selam dikujt që nuk e njeh, e më pas rezulton të jetë dhimmi (jomusliman që jeton nën mbrojtjen islame) ose bidatçi, atëherë dhënësi i selamit thotë: 'E tërhoqa mbrapsht selamin tim', për ta nënvlerësuar kështu personin e tillë.'"

1. Ballina
2. Vlera dhe rregullat
3. Rregullat e mirësjelljes
4. Rregullat e selamit dhe kërkimit të lejes
5. Hadithi

• Kur takohen dy muslimanë dhe i shtrëngojnë duart, u falen mëkatet para se të ndahen.”
• Një njeri erdhi te Profeti ﷺ dhe tha: “Es Selamu alejkum!”. Ai ia ktheu selamin, pastaj njeriu u ul. Profeti ﷺ tha: “Dhjetë.”
• Kur ndokush e takon vëllanë e tij, le t’i japë selam. Nëse një pemë, një mur ose një gur i ndan ata e pastaj takohen përsëri, le t’i japë selam edhe atëherë
• Ai që është në mjet i jep selam atij që është në këmbë. Ai që është në këmbë i jep selam atij që është ulur. Ata që janë pak i japin selam atyre që janë shumë