Një njeri erdhi te Profeti ﷺ dhe tha: “Es Selamu alejkum!”. Ai ia ktheu selamin, pastaj njeriu u ul. Profeti ﷺ tha: “I janë shkruar dhjetë të mira.” Pastaj erdhi një tjetër dhe tha: “Es Selamu alejkum ue rahmetullah!”. Ai ia ktheu selamin, pastaj (njeriu) u ul. Profeti ﷺ tha: “I janë shkruar njëzet të mira.” Pastaj erdhi i treti dhe tha: “Es Selamu alejkum ue rahmetullahi ue berakatuhu!”. Ai ia ktheu selamin, pastaj (njeriu) u ul. Profeti ﷺ tha: “I janë shkruar tridhjetë të mira." Domethënë, për çdo fjalë llogariten dhjetë vepra të mira.

• Ai që vjen duhet ta fillojë selamin ndaj atyre që janë ulur.
• Shpërblimi shtohet me shtimin e fjalëve të selamit.
• Fomra më e plotë e dhënies së selamit është: “Es Selamu alejkum ue rahmetullahi ue berakatuhu!”, ndërsa forma më e mirë e kthimit është: “Ue alejkum es selam ue rahmetullahi ue berakatuhu!”
• Selami dhe kthimi i tij kanë shkallë të ndryshme, kësisoj edhe shpërblimi ndryshon.
• Mësimi i njerëzve për atë që është e mirë dhe orientimi i tyre drejt asaj që është më e plotë.
• Ibn Haxheri ka thënë: "Nëse ai që e fillon selamin shton “ue rahmetullah”, rekomandohet që në kthim të shtohet “ue berakatuhu”. Por nëse ai që e fillon selamin shton “ue berakatuhu”, a lejohet shtesë tjetër në kthim të selamit? Maliku ka transmetuar në "El Muvetta" nga Ibn Abbasi (Allahu qoftë i kënaqur me të!) se ka thënë: "Selami përfundon me "ue berakatuhu".

1. Ballina
2. Vlera dhe rregullat
3. Rregullat e mirësjelljes
4. Rregullat e selamit dhe kërkimit të lejes
5. Hadithi

• Kur ndokush e takon vëllanë e tij, le t’i japë selam. Nëse një pemë, një mur ose një gur i ndan ata e pastaj takohen përsëri, le t’i japë selam edhe atëherë
• Njeriut nuk i lejohet të mos i flasë vëllait të vet më shumë se tri net. Kur ata dy takohen, ky ia kthen shpinën, e edhe ai i tjetri ia kthen. Më i miri prej tyre është ai që fillon me selam
• një burrë e pyeti Pejgamberin (paqja qoftë mbi të!): "Cila cilësi e Islamit është më e mira?" Ai u përgjigj: "Të japësh ushqim dhe të përshëndesësh me selam ata që i njeh dhe ata që nuk i njeh
• Ai që është në mjet i jep selam atij që është në këmbë. Ai që është në këmbë i jep selam atij që është ulur. Ata që janë pak i japin selam atyre që janë shumë