አንድ ሰውዬ ወደ ነቢዩ (የአላህ ሰላትና ሰላም በእርሳቸው ላይ ይስፈን) በመምጣት (አስሰላሙ ዐለይኩም) አላቸው። እርሳቸውም ሰላምታውን መለሱለት። ቀጥሎም ተቀመጠ። ነቢዩም (የአላህ ሰላትና ሰላም በእርሳቸው ላይ ይስፈን) ለርሱ አስር ምንዳ ተጽፎለታል አሉ። ከዚያም ሌላ ሰው መጣና (አስሰላሙ ዐለይኩም ወረሕመቱሏህ) አላቸው። እርሳቸውም ሰላምታውን መለሱለትና ተቀመጠ። ነቢዩም (የአላህ ሰላትና ሰላም በእርሳቸው ላይ ይስፈን) ለርሱ ሀያ ምንዳ አለው አሉ። ከዚያም ሌላ ሰውዬ መጣና (አስሰላሙ ዐለይኩም ወረሕመቱላሂ ወበረካቱህ) አላቸው። ሰላምታውን መለሱለትና ተቀመጠ። ነቢዩም (የአላህ ሰላትና ሰላም በእርሳቸው ላይ ይስፈን) ለርሱ ሰላሳ ምንዳ አለው አሉ። ማለትም እያንዳንዱ ቃል አስር ምንዳ ያስገኛል ማለታቸው ነው።

• የሚመጣ (ከውጪ የሚገባ) ሰው ለተቀመጡ ሰዎች ሰላምታን በማቅረብ ይጀምራል።
• የሰላምታ ቃላቶች በጨመሩ ቁጥር ምንዳም እንደሚጨምር እንረዳለን።
• ሰላምታን ለማቅረብ የተሟላው ሰላምታ (አስሰላሙ ዐለይኩም ወረሕመቱሏሂ ወበረካቱህ) የሚለው ነው። ሰላምታን ለመመለስም በላጩ ቃል (ወዐለይኩሙ‐ስሰላም ወረሕመቱሏሂ ወበረካቱህ) የሚለው ነው።
• ሰላምታን የማቅረብና የመመለስ ደረጃዎች እንደሚበላለጡና ምንዳውም እንደሚበላለጥ እንረዳለን።
• ሰዎችን መልካም ማስተማርና የተሻለውን እንዲያስገኙም ማስገንዘብ እንደሚገባ እንረዳለን።
• ኢብኑ ሐጀር እንዲህ ብለዋል: "ሰላምታን ጀማሪው (ወረሕመቱሏህ) የሚለውን ቃል ከጨመረ መላሹ (ወበረካቱህ) የሚለውንም መጨመሩ ይወደድለታል፤ ሰላምታን ጀማሪው (ወበረካቱህ) የሚለውን ቢጨምር ግን መላሹ ሌላ ቃል መጨመር ይደነገግለታልን? ልክ እንደዚሁ ሰላምታን ጀማሪው (ወበረካቱህ) የሚለው ቃል ላይ ሌላ ቃል መጨመር ይደነገግለታልን? ኢማሙ ማሊክ ሙወጦእ በተሰኘው መፅሀፋቸው "ሰላምታ እስከ በረከት (ወበረካቱህ) ድረስ ይጠናቀቃል።" የሚለውን ከኢብኑ ዓባስ (ረዲየሏሁ ዐንሁማ) - አላህ መልካም ሥራቸውን ይውደድላቸውና - ዘግበዋል።"

1. ዋና ገፅ
2. ትርፍ ተግባራትና ስነ-ስርዓት
3. ሸሪዓዊ ስነ-ስረዓቶች
4. የሰላምታና የማስፈቀድ ስነ-ስርዓት
5. ሓዲሥ

• አይሁዶችንና ክርስቲያኖችን በሰላምታ አትጀምሯቸው። ከመካከላቸው አንዱን መንገድ ላይ ባገኛችሁ ጊዜም ወደ ጠባቡ መንገድ አጣብቡት።
• ለአንድ ሰው ወንድሙን ከሶስት ሌሊቶች በላይ ሊያኮርፈው አይፈቀድለትም። ሲገናኙ ይህም ይዞራል ያኛውም ይዞራል። ከሁለቱ ምርጡ ሰላምታ የሚጀምረው ነው።...
• አንድ ሰውዬ ነቢዩን (የአላህ ሶላትና ሰላም በእርሳቸው ላይ ይስፈንና) 'ማንኛው የኢስላም ክፍል ነው ምርጡ?' ብሎ ጠየቀ። እርሳቸውም 'ምግብ መመገብህ፣ ሰላምታን ባወቅከውም ባላወቅከውም ሰው ላይ ማቅረብህ ነው።' ብለው መለሱለት።...
• የሚጋልብ ሰው ለእግረኛ ሰላምታን ያቅርብ፤ እግረኛ ለተቀማጭ ሰላምታን ያቅርብ፤ ጥቂት ሰዎች በብዙ ሰዎች ላይ ሰላምታን ያቅርቡ።'