මිනිසෙක් නබි (සල්ලල්ලාහු අලයිහි වසල්ලම්) තුමාණන් වෙත පැමිණ: "අස්සලාමු අලයිකුම්" යැයි පැවසීය. එතුමාණන් ඔහුට පිළිතුරු දුන් පසු ඔහු වාඩි විය. එවිට නබි (සල්ලල්ලාහු අලයිහි වසල්ලම්) තුමාණෝ "ඔහු වෙනුවෙන් කුසල් දහයක් සටහන් කරනු ලැබීය" යැයි පැවසූහ. පසුව තවත් අයෙක් පැමිණ "අස්සලාමු අලයිකුම් වරහ්මතුල්ලාහ්" යැයි පැවසීය. එතුමාණන් ඔහුට ද පිළිතුරු දුන් අතර ඔහු ද වාඩි විය. එවිට නබි (සල්ලල්ලාහු අලයිහි වසල්ලම්) තුමාණෝ "ඔහුට විස්සක් හිමිය" යැයි පැවසූහ. පසුව තවත් අයෙක් පැමිණ "අස්සලාමු අලයිකුම් වරහ්මතුල්ලාහි වබරකාතුහු" යැයි පැවසීය. එතුමාණන් ඔහුට ද පිළිතුරු දුන් අතර ඔහු ද වාඩි විය. එවිට නබි (සල්ලල්ලාහු අලයිහි වසල්ලම්) තුමාණෝ "ඔහුට කුසල් තිහක් හිමිය" යැයි පැවසූහ. එනම් සෑම වචනයකටම කුසල් දහයක් බැගින් විය.

• පැමිණෙන තැනැත්තා වාඩි වී සිටින්නන් හට සලාම් පැවසීම ආරම්භ කළ යුතු වේ.
• සලාම්හි වචන වැඩි වන තරමට කුසල් ද වැඩි වනු ඇත.
• සලාම් පැවසීමේ පූර්ණ ක්‍රමය "අස්සලාමු අලයිකුම් වරහ්මතුල්ලාහි වබරකාතුහු" යන්නයි. පිළිතුරු දීමේ උතුම්ම ක්‍රමය "වඅලෙයිකුමුස් සලාම් වරහ්මතුල්ලාහි වබරකාතුහු" යන්නයි.
• සලාම් පැවසීමේ මට්ටම් විවිධය. එමෙන්ම ඒ සඳහා කුසල් හිමිවීමේ ප්‍රමාණය ද විවිධය.
• මිනිසුනට යහපත කියා දීම, වඩාත් උතුම් දෑ ලබන්නට ඔවුන් අවදි කරවීම.
• ඉබ්නු හජර් තුමා මෙසේ පවසයි: "ආරම්භ කරන්නා (වරහ්මතුල්ලාහ්) යනුවෙන් අමතරව පවසා සිටියේ නම්, ඊට අමතරව (වබරකාතුහු) යනුවෙන් පැවසීම සතුටුදායකය. ඔහු අමතරව (වබරකාතුහු) යැයි පැවසුවේ නම් පිළිතුරු දීමේ දී ඊට අමතරව යමක් ආගමානුගත කර තිබේ ද? එමෙන්ම ආරම්භ කරන්නා (වබරකාතුහු) යන වචනයට වඩා යමක් අමතරව ප්‍රකාශ කර තිබේ නම් එය ඔහුට ආගමානුගත ද? මුවත්තාඃ යන පුස්තකයේ සඳහන් ඉබ්නු අබ්බාස් (රළියල්ලාහු අන්හු) තුමා විසින් වාර්ථා කළ හදීසයට අනුව වබරකාතුහු යන පදය සමග සලාමය අවසන් වේ යන්නය.

1. මුල් පිටුව
2. මහිමයන් සහ ආචාරධර්ම
3. ආගමික විනය
4. සලාම් පැවසීමේ හා අවසර පැතීමේ ආචාරධර්ම
5. නබි වදන

• ජනයා අතර අල්ලාහ්ට වඩාත් උසස්ම පුද්ගලයා ඔවුන් අතුරින් සලාම් පැවසීමෙන් ආරම්භ කරන්නාය.
• පුද්ගලයකු තම සහෝදරයා හමුවන අවස්ථාවේ නැවී ආචාර කිරීම පිළිබඳ නබි (සල්ලල්ලාහු අලයිහි වසල්ලම්) තුමාගෙන් විමසන ලදී. එතුමා: ‘ඔහු වෙනුවෙන් නැවිය නොයුතු යැ’යි පැවසීය. පසුව එසේ විමසා සිටි පුද්ගලයා: ඔහු වෙනුවෙන් නොනැවී, ඔහු වැළඳ ගෙන සිප ගත යුතු දැ?යි...
• “යුදෙව්වන් හා කිතුනුවන් කෙරහි නුඹලා සලාම් පවසා ආරම්භ නොකරනු. ඔවුන් මාර්ගයේ සිටිනු නුඹලා දුටු විට ඔවුන් එහි කෙළවරින් ගමන් කිරීමට සළස්වනු.”...
• ඔබ අලය්කස් සලාම් යැයි නොපවසනු. හේතුව සැබැවින්ම අලය්කස් සලාම් යැයි පැවසීම මිය ගිය ඇත්තන් සඳහා තිබෙන පැතුමකි....