پیاوێک هات بۆ لای پێغەمبەر -صلى اللە علیە وسلم- ووتی: (السلام علیکم)، ئەویش وەڵامی دایەوە وپاشان هات دانیشت، پێغەمبەر -صلى اللە علیە وسلم-فەرمووی: دە چاكەی بۆ نووسرا، پاشان پیاوێکی تر هات ووتی: (السلام علیکم ورحمة الله)، ئەویش وەڵامی دایەوە وپیاوەكە دانیشت، پاشان پێغەمبەر -صلى اللە علیە وسلم- فەرمووی: بیست چاكەی بۆ نووسرا، پاشان پیاوێکی تر هات ووتی: (السلام علیکم ورحمة الله وبرکاته)، ئەویش وەڵامی دایەوە ودانیشت، پاشان پێغەمبەر -صلى اللە علیە وسلم- فەرمووی: سی چاكەی بۆ نووسرا؛ واتا بەرامبەر هەر دەستەواژەیەك دە چاكەی بۆ دەنووسرێت.

• ئەوەى لە ڕێگاوە دێت و بەپێوەیە سەلام دەکات لە ئەوانەى دانیشتوون.
• پاداشت زیاد دەبێت بە پێی زیاد كردنی دەستەواژەكانی سەلامکردنەکە.
• باشترین شێواز لە سەلامكردندا بریتیە لە: (السلام عليكم ورحمة الله وبركاته)، وباشترین شێوازی وەڵامدانەوە بریتیە لە: (وعليكم السلام ورحمة الله وبركاته).
• پلەکانى سەلامکردن و وەڵامدانەوەى جیاوازە، و بەهەمان شێوە پاداشتیان جیاوازە.
• ئاماژەیە بۆئەوەى دەبێت بانگخواز هەوڵبدات خەڵکی فێری خێر وچاکە بکات، وئاگاداریان بكاتەوە بۆ بەدەستهێنانى باشترین.
• ئیبن حەجەر دەڵێت: ئەگەر ئەو كەسەی سەلام دەكات ئەم بەشەیش زیاد بكات (ورحمة الله)؛ ئەوا سونەتە (وبركاته)یش زیاد بكات، ئەگەر (وبركاته)ی زیاد كرد؛ ئایا ڕێگەپێدراوە دەستەواژەی تر زیاد بكات لە وەڵامدانەوەدا؟ هەروەها ئەگەر ئەو كەسەی سەلام دەكات چەند دەستەواژەیەكی زیاد كرد لە پاش (وبركاته)؛ ئایا ئەمە ڕێگەپێدراوە؟، لە [موطأ]ی مالك دا هاتووە لە ئیبن عەباسەوە -ڕەزای خوای لێبێت- دەڵێت: سەلامكردن بە (بەرەكەت -وبركاته-) كۆتایی دێت.

1. سه‌ره‌كی
2. فەزڵەکان وئادابەکان
3. ئادابە شەرعییەکان
4. ئادابەکانی سەلام کردن ومۆڵەت وەرگرتن
5. فەرموودە

• مافی مسوڵمان لە سەر مسوڵمان پێنجە: وەڵامدانەوەی سەلامکردن، وشوێنکەوتنی جەنازە، و وەڵامدانەوەی بانگهێشت کردنی بۆ خوان (دەعوەتکردن)، و وەڵامدانەوەی ئەو کەسەی کە دەپژمێت و(دەڵێت: الحمد لله، پێی بڵێیت: یرحمک الله)...
• دەست پێش خەری مەکەن بە سەلام کردن بەرامبەر جولەکە ونەسڕانیەکان، وئەگەر گەیشتن پێیان لە ڕێگادا؛ ئەوا ناچاریان بكەن لە تەنگترین بەشیدا ڕێ بكەن...
• کاتێک یەکێکتان دەگاتە لای کۆمەڵێک؛ با سەلامیان لێبکات، وئەگەر ویستی هەستێت (جێیان بهێڵێت)؛ با سەلامیان لێبکات، چونکە سەلامکردنی یەکەم شایستەى ستایشكردنی زیاتر نییە لە سەلامکردنی کۆتایی (ماڵئاوایی)...
• پیاوێک ڕوخسەتی وەرگرت بۆ ئەوەى بێت بۆ لای پێغەمبەر -صلى اللە علیە وسلم-، ئەویش فەرمووی: ڕوخسەتی پێبدەن، چەند برایەکی خراپە لە نێو هۆزەکەیدا...