මිනිසෙක් නබි (සල්ලල්ලාහු අලයිහි වසල්ලම්) තුමාණන් තමන් යමක් කළේ නම්, ඒ හේතුවෙන් අල්ලාහ් ඔහුට ආදරය කරන, මිනිසුන් ඔහුට ආදරය කරන ආකාරයේ ක්‍රියාවක් ඔහුට පෙන්වා දෙන මෙන් ඉල්ලා සිටියේය. එවිට (සල්ලල්ලාහු අලයිහි වසල්ලම්) තුමාණෝ මෙසේ පැවසූහ: "මෙලොවෙහි පවතින අමතර දෑ හා මතුලොවෙහි ඔබට ප්‍රයෝජනවත් නොවන දෑ අත්හරින විටෙක, ඇතැම් විට ඔබේ දහමට හානි පමුණුවන දෑ අත්හරින විටෙක, අල්ලාහ් ඔබට ආදරය කරනු ඇත. මෙලොවෙහි මිනිසුන් අතෙහි ඇති දෑ සමග ඔබ සරලව ජීවත් වූ විටෙක මිනිසුන් ඔබට ආදරය කරනු ඇත. මක්නිසාදයත් ඔවුන් සහජයෙන්ම ඒවාට ප්‍රිය කරන බැවිනි. කවරෙකු ඒ සඳහා ඔවුන් සමග තරඟ කළේ ද ඔවුහු ඔහු සමග ක්‍රෝධය ඇති කර ගනිති. කවරෙකු ඔවුන් වෙනුවෙන් එය අත් හැරියේ ද ඔවුහු ඔහුට ආදරය කරති.

• මෙලොවෙහි චාම් (සරල) ජීවිතයක් ගත කිරීමේ මහිමය. එය වනාහි මතුලොවට ප්‍රයෝජනවත් නොවන දෑ අත්හැරීමය.
• සරලකම යනු ශ්‍රද්ධාවට වඩා උසස් තරාතිරමක පවතී, මන්ද ශ්‍රද්ධාව යනු හානිකර විය හැකි දේ අත්හැරීම වන අතර, සරලකම යනු මරණින් මතු ජීවිතයේ ප්‍රයෝජනයක් නොමැති දේ අත්හැරීම වන බැවිනි.
• අස්-සින්දී තුමා මෙසේ පවසයි: "සැබැවින්ම මෙලොව මිනිසුන්ට ප්‍රිය ජනක ස්ථානයකි. එහෙයින් කවරෙකු ඒ විෂයෙහි ඔවුනට හිරිහැරයක් වන්නේ ද ඒ ප්‍රමාණයටම ඔවුන් ඉදිරියේ ඔහු කෝපයට ලක්වන අයකු වනු ඇත. එමෙන්ම කවරෙකු ඔවුන් හා ඔවුන් ප්‍රිය කරන දෑ අත්හැර දමන්නේ ද එහි ප්‍රමාණයටම ඔවුන්ගේ සිත් තුළ ඔහු ආදරයට ලක් වනු ඇත."

1. මුල් පිටුව
2. මහිමයන් සහ ආචාරධර්ම
3. මාර්ගෝපදේශ හා උපදෙස්
4. තපස්භාවය හා ශ්රද්ධාව
5. නබි වදන

• ඔහු මෙන් අය මහපොළොව පිරෙන්නට තරම් සිටියත් ඔහුට වඩා මොහු උතුම්ය.
• මිනිසුන්ගෙන් කිසිවක් නොඉල්ලන බවට කවරෙකු මට පොරොන්දු වන්නේ ද ස්වර්ගය පිිළිබඳ මම ඔහුට පොරොන්දු වෙමි....
• පසුව සැබැවින්ම එදින (භුක්ති විඳි) සැප පහසුකම් පිළිබඳ ව විමසනු ලබන්නේමය
• ඔබ අතුරින් කිසිවකු හෝ ඔහුගේ ශරීරයේ නිරෝගී භාවයෙන් යුතුව ඔහුගේ පිරිස අතර සුරක්ෂිතව, ඔහු සතු ඔහුගේ දෛනික ආහාරය ලබා අවදි වූයේ ද මුලු ලෝකයම ඔහු සන්තකයට පත් වූවාක් මෙනි...