एक व्यक्तिले नबी (सल्लल्लाहु अलैहि वसल्लम) लाई सोधे, "मलाई यस्तो कार्यको मार्गदर्शन गरिदिनुहोस्, जुन गरेमा अल्लाहले मलाई प्रेम गर्नुहुनेछ र मानिसहरूले पनि मलाई प्रेम गर्नेछन्।" तब उहाँले भन्नुभयो: " यदि तिमीले संसारमा आवश्यकता भन्दा अतिरिक्त र परलोकमा लाभ नहुने कुरा त्याग्यौ, र आफ्नो दीन (धर्म) मा हानि पुर्‍याउन सक्ने कुरा छोड्यौ भने अल्लाहले तिमीलाई प्रेम गर्नुहुनेछ। यदि तिमी मानिसहरू सगँ भएको सांसारिक सम्पत्तिप्रति आसक्त भएनौ भने मानिसहरूले तिमीलाई प्रेम गर्नेछन् । किनभने तिनीहरू स्वभावतः संसारलाई प्रेम गर्दछन् र जसले तिनीहरूसँग त्यसमा प्रतिस्पर्धा गर्दछ, तिनीहरूले उससँग घृणा गर्दछन्। तर जसले त्यसलाई तिनीहरूको निम्ति छोडिदिन्छ, तिनीहरूले उसलाई प्रेम गर्दछन्।"

• यसमा संसारलाई त्याग्ने गुणको उत्कृष्टता स्पष्ट गरिएको छ र अनासक्ति भनेको ती सबै कुराहरू त्याग्नु हो, जसको परलोकमा कुनै लाभ हुँदैन।
• अनासक्ति (जुह्द) को दर्जा 'वरअ' (सावधानी) भन्दा उच्च हुन्छ। 'वरअ' भनेको हानि हुन सक्ने कुरालाई त्याग्नु हो भने जुह्द भनेको परलोकमा लाभ नहुने कुरालाई त्याग्नु हो।
• अस-सिन्दीले भन्नुभएको छ: “संसार मानिसहरूलाई प्रिय छ। जो व्यक्ति यसका लागि उनीहरूसँग प्रतिस्पर्धा गर्छ, त्यो उनीहरूको नजरमा उत्तिकै घृणित हुन्छ र जसले उनीहरू र उनीहरूको प्रिय वस्तुलाई त्यागिदिन्छ, त्यो उनीहरूको हृदयमा उति नै प्रिय बन्छ।”

1. home
2. सद्गुण र आचरण
3. हृदयस्पर्शी भाषण र प्रवचन
4. दुनियाँदेखि टाढा र धार्मिकता
5. hadith

• {ثُمَّ لَتُسْأَلُنَّ يَوْمَئِذٍ عَنِ النَّعِيمِ}