Umugabo umwe yaje ku Ntumwa y'Imana (Imana iyihe amahoro n'imigisha) arayibaza ati: Yewe Ntumwa y'Imana! Mu by'ukuri umwe muri twe atekereza muri we ikintu ari ko akaba atatinyuka kukivuga, ahubwo akaba yumva kuba yashya agakongoka agahinduka ivu byaba byiza kuruta kukivuga. Intumwa y'Imana (Imana iyihe amahoro n'imigisha) ivuga ijambo Allah Akbar (Imana niyo nkuru!) inshuro ebyiri, maze ishimira Allah we uburizamo imigambi ya Shaytwani ku mugaragu we.

• Kugaragaza ko Shaytwani igihe cyose iba irekereje abemeramana kugira ngo ibashuke maze ibakure ku kwemera ibatware mu buhakanyi.
• Kugaragaza ko Shaytwani nta bubasha afite ku bemeramana usibye gusa kubateza urungabangabo.
• Umwemeramana akwiye igihe cyose kwirinda ibishuko bya Shaytwani akanabyamagana.
• Biremewe kuvuga ijambo Allah Akbar igihe ubonye cyangwa se wumvise ikintu cyiza cyangwa se ikigutangaje cyangwa se n'ibindi bimeze nka byo.
• Biremewe ko umuyisilamu abaza umumenyi icyo ari cyo cyose kimugoye.