Raoa n wa Nabiyaamã nengẽ, -Wẽnd pʋʋsg la A tɩlgr be a yĩnga-, n yeele, Wẽnd Tẽn-tʋʋma, ad tõnd yembr fãa mi n paama a sũurẽ wã, bũmb ninga sẽn wat a sũurẽ wã, la yellã goam a yaa bedre, halɩ n tʋg n tãag t’a sã n na n yɩ tom-pegl tʋʋlga, yẽ n sõmb ne yẽnda, ne a sẽn na n gom yel-kãngã. Tɩ Nabiyaamã, -Wẽnd pʋʋsg la A tɩlgr be a yĩnga-, maan takbiir noor a yiibu, n pẽg Wẽnde, A sẽn rɩk a sʋɩɩtãan rabsgã n tʋg n ning yuusg tεk bala.

• Bee hadiisã pʋgẽ, sẽn wilgd t’a sʋɩɩtãan kolleda muunim-rãmbã ne yuus-yuusi b sũy wã, n rat n na n yiis-b sɩd-kũunẽ wã n kẽng kɩfẽndẽ.
• Wilgda a sʋɩɩtãan sẽn yaa valang ne sɩd-kõtbã, ne a sẽn ka tõe maan-b baa fʋɩ, rẽnda yuus-yuusã ningr b sũy wã.
• Sɩd-kõt sõmbame t'a ball a meng n yi a sʋɩtãan yuus-yuusã la a modg n tus-a n zãag a menga.
• Hadiisã wilgdame tɩ sari wã kõo sor tɩ ned tõe n maan takbiire, bũmb sẽn wat n ta a yam la a sẽn wat n maan yel-solemd ne bũmb ninga, la sẽn wõnd rẽnda
• Wilgdame tɩ lɩslaam tõe n soka bãngda, bũmb fãa a sẽn tar gẽdg ne a minim.