رسول الله صلی الله علیه وسلم حنین ته چې د طائف او مکې تر منځ یوه دره ده، لاړ او له هغه سره یې څو اصحاب هم وو چې په دې وروستیو کې یې اسلام قبول کړی و. نو له يوې ونې څخه تېر شول، چې نوم يې "ذات أنواط" وه، یعنې هغه چې شیان ورپورې تړل کېدل، نو مشرکانو به يې تعظيم کاوه او خپلې وسلې او نور شيان به يې د برکت په موخه ورپورې تړل، نو له رسول الله صلی الله علیه وسلم نه یې وغوښتل چې د دوی لپاره هم دې ته ورته یوه ونه وټاکي چې خپلې وسلې پرې د برکت په موخه وځړوي. فکر یې کاوه چې دا کار به جایز وي. نو رسول الله صلى الله عليه وسلم د دې خبرې په غندلو سره د الله جل جلاله حمد او ستاینه ادا کړه او ويې ويل چې دا خبره د موسى د قوم هغې وينا ته ورته ده چې وېیل یې: {اجعل لنا إلهًا كما لهم آلهة}،یعنې {زموږ لپاره هم یو معبود جوړ کړه لکه څنګه چې دوى معبودان لري}. كله یې چې هغه كسان وليدل چې د بتانو عبادت یې کاوه، نو غوښتنه یې وکړه چې دوی هم داسې بتان ولري لکه مشرکان یې چې لري او دا د هغوی د تګلارې پیروي ده. بیا یې خبر ورکړ چې دا قوم به خامخا د یهودانو او نصاراوو لاره تعقیبوي او هغه څه به کوي چې دوی کړي دي، په دې اړه یې خبرداری ورکړ.

• یو سړی ممکن یو څه ښه وګڼي پدې فکر چې الله تعالی ته به یې نږدې کړي، حال دا چې هغه به یې ترې لرې کوي.
• مسلمان باید هغه مهال تسبیح (سبحان الله) او تکبیر (الله اکبر) ووایي کله چې د دین په اړه داسې یو څه واوري چې باید ونه وییل شي او یا د یو څه په اړه تعجب وکړي.
• په ونو، تېږو او داسې نورو شیانو تبرک حاصلول له شرکي عملونو څخه دي او برکت یوازې د الله جل جلاله څخه غوښتل کیږي.
• د بتانو د عبادت لامل د هغوی تعظیم کول، هغوی ته د عبادت په موخه ځان وقف کول او پر هغوی تبرک حاصلول دي.
• هغه دروازې او لارې تړل چې انسان شرک ته رسوي.
• د یهودو او نصاراوو د غندلو اړوند نصوصو کې زمونږ لپاره خبرداری دی.
• د جاهليت د وخت د خلکو، د یهودو او نصاراوو له مشابهت څخه ممانعت، مګر هغه څه چې دلیل پرې موجود وي چې دا زمونږ له دین څخه دی.

1. کور‌پاڼه
2. عقیده
3. پر الله عزوجل ايمان
4. د الوهیت توحید
5. حدیث

• څوک چې مړ شو، پداسې حال کې چې د الله سره یې څه شی نه وي شریک کړی، جنت ته به داخل شي، او څوک چې مړ شو پداسې حال چې د الله تعالی سره څه شی شریک کړی وي اور ته به داخل شي...
• ملايکې هغه کور ته نه ننوځي چې سپی یا انځور پکې وي
• تشدد کوونکي هلاک شول
• دا زما څپلۍ واخله او د دې باغ تر شا چې هر چا سره مخ شوې او پدې خبره یې د زړه د باور له مخې ګواهي ورکوله چې له الله پرته بل حق معبود نشته، نو په جنت زیری ورکړه...