Pumunta ang Sugo ni Allāh (basbasan siya ni Allāh at pangalagaan) sa Ḥunayn, na isang lambak sa pagitan ng Ṭā'if at Makkah. Kasama sa kanya ang ilan sa mga Kasamahan na pumasok sa Islām kamakailan. Naparaan sila sa isang punong-kahoy na tinatawag na Dhāt Anwāṭ, na ang ibig sabihin ay may mga isinabit. Ang mga tagapagtambal noon ay dumadakila rito at nagsasabit dito ng mga sandata nila at iba pa dala ng paghiling ng pagpapala. Kaya naman humiling sila sa Sugo (basbasan siya ni Allāh at pangalagaan) na gumawa siya para sa kanila ng isang punong-kahoy tulad niyon, na sasabitan nila ng mga sandata nila para sa paghiling ng pagpapala dala ng isang pagpapalagay mula sa kanila na ito ay isang bagay na pinapayagan. Kaya nagluwalhati kay Allāh ang Propeta (basbasan siya ni Allāh at pangalagaan) dala ng pagmamasama sa pagkakasabing ito at dala ng pagdakila kay Allāh. Nagpabatid siya na ang pagkakasabing ito ay nakawawangis sa pagkasabi ng mga tao ni Moises dito: {gumawa ka para sa amin ng isang diyos kung paanong mayroon silang mga diyos.”} (Qur'ān 7:138) Noong nakakita sila ng mga sumasamba sa mga anito, humiling sila na magkaroon sila ng mga anito kung paanong mayroong mga anito ang mga tagapagtambal. Ito ay isang pagsunod sa pamamaraan ng mga iyon. Pagkatapos nagpabatid ang Propeta (basbasan siya ni Allāh at pangalagaan) na ang Kalipunang ito ay susunod sa pamamaraan ng mga Hudyo at mga Kristiyano at gagawa ng gawain nila. Nagbigay-babala siya laban doon.

• Ang tao ay maaaring magmaganda ng isang bagay na ipinagpapalagay niya na nagpapalapit sa kanya kay Allāh (napakataas Siya) samantalang nagpapalayo ito sa kanya kay Allāh.
• Nararapat sa Muslim na magluwalhati at magdakila kay Allāh kapag nakarinig siya ng hindi nararapat na sabihin hinggil sa Relihiyong Islām at sa sandali ng pagkagulat.
• Bahagi ng shirk ang paghango ng pagpapala sa pamamagitan ng mga punong-kahoy, mga bato, at iba pa sa mga ito. Ang pagpapala ay nahihiling lamang mula kay Allāh – tanging sa Kanya.
• Ang kadahilanan ng pagsamba sa mga anito ay ang pagdakila sa mga ito, ang pamimintuho sa tabi ng mga ito, at ang paghango ng pagpapala sa mga ito.
• Ang pagkakinakailangan ng pagpinid ng mga pinto at mga daan na nagpapahantong sa Shirk.
• Ang nasaad na mga teksto kaugnay sa pagpula sa mga Hudyo at mga Kristiyano ay isang pagbibigay-babala sa atin.
• Ang pagsaway laban sa pagpapakawangis sa mga kampon ng Kamangmangan, mga Hudyo, at mga Kristiyano, maliban sa napatunayan ng patunay na ito ay bahagi ng Relihiyon natin.

1. Ang Pangunahin
2. Ang Pinaniniwalaan
3. Ang Pananampalataya kay Allāh – kamahal-mahalan Siya at kapita-pitagan
4. Ang Tawḥīd (Paniniwala sa Kaisahan ni Allāh) sa Pagkadiyos
5. Ang ḥadīth

• "Ang pinakamalaki mula sa mga malalaking kasalanan ay: Ang Pagtatambal sa Allah,at [Ang pagdama ng] kaligtasan laban sa [binabalak na] kaparusahan ni Allah,at Ang kawalan ng Pag-asa mula sa Habag ni Allah,at Ang panghinaan ng loob mula sa A...
• Huwag kayong umupo sa mga libingan at huwag kayong magdasal paharap sa mga ito."}
• Umalis ka kalakip ng mga sandalyas kong ito. Ang sinumang nakasalubong mo sa likuran ng bakod na ito na sumasaksi na walang Diyos kundi si Allāh habang nakatitiyak nito ang puso niya, magbalita ka sa kanya ng nakagagalak hinggil sa Paraiso
• Wala ngang matitira sa leeg ng isang kamelyo na isang kuwintas na yari sa kuwerdas o isang kuwintas [na anuman] malibang puputulin ito."}