له رسول الله صلی الله علیه وسلم څخه یوه بانډچي سړي - چې په صحرا کې اوسیده- د قیامت د نېټې په اړه پوښتنه وکړه چې څه وخت راځي؟ نو هغه صلی الله علیه وسلم ورته وفرمایل چې: د دې لپاره دې په کومو نیکو عملونو سره چمتوالی نیولی دی؟ نو پوښتونکي وویل: په کومو لویو عملونو سره ورته چمتوالی نه لرم، خو دا ده چې زه د الله او د هغه د رسول سره مینه لرم. لدې پرته یې د نورو قلبي، بدني او مالي عبادتونو یادونه ونه کړه؛ ځکه چې دا ټول د هغې مینې برخه ده چې دا (عبادتونه) یې پایله ده، او ځکه چې ریښتینې مینه یو څوک په نېکو عملونو کې زیار ویستلو ته اړباسي. نو رسول الله صلی الله علیه وسلم ورته وفرمایل: یقینا چې ته به په جنت کې له هغه چا سره یې، چې مینه ورسره لرې. نو د رسول الله صلی الله علیه وسلم صحابه کرام پدې زېري سره سخت خوشحاله شول. بیا انس رضی الله عنه وویل چې هغه د رسول الله صلی الله علیه وسلم، ابوبکر او عمر سره مینه لري او دا چې دی هیله لري چې له هغوی سره اوسي، که څه هم عمل یې د هغوی د عمل په څېر نه دی.

• د سوال کوونکي په ځواب کې د رسول الله صلی الله علیه وسلم حکمت، چې هغه ته یې د هغه څه لارښوونه وکړه چې ورته اړین دی او پرې ژغورل کیږي لکه: د آخرت لپاره په نېک عمل او هغه څه سره چمتووالی چې ګټور دی.
• الله تعالی د قیامت په اړه پوهېدل له خپلو بندګانو پټ کړی دی تر څو انسان د الله تعالی سره د ملاقات لپاره چمتو اوسي.
• د الله تعالی، د هغه د رسول او د صالحو مؤمنانو سره د مينې فضيلت او د مشرکانو سره له محبت کولو ویرول.
• د رسول الله صلی الله علیه وسلم لدې وینا څخه مطلب چې: ته د هغه چا سره یې چې مینه ورسره لرې. په درجې او مرتبې کې برابري نه ده، بلکې مراد ترې دا دی چې هغوی په جنت کې دي او هلته هر څوک کولی شي یوبل وګوري، که څه هم ځای لرې وي.
• مسلمان ته لارښوونه کوي چې په هغه څه تمرکز وکړي چې د هغه لپاره غوره او ګټور وي او د هغه څه په اړه پوښتنه کول پریږدي چې ګټه ورته نه لري.

1. کور‌پاڼه
2. عقیده
3. د اخرت په ورځ باندې ايمان
4. حدیث

1. کور‌پاڼه
2. فضایل او آداب
3. زړه نرموونکي بیانونه او نصیحتونه
4. د زړونو عملونه
5. حدیث

• قسم په هغه ذات چې د محمد روح د هغه په ​​لاس کې دی چې لوښي یې د آسمان له ستورو او سیارو له شمېر څخه زیات دي
• إِذَا سَمِعْتُمُ الْمُؤَذِّنَ فَقُولُوا مِثْلَ مَا يَقُولُ، ثُمَّ صَلُّوا عَلَيَّ
• بېشکه دار و مدار د عملونو په نیتونو سره دی، او د هر انسان لپاره هغه څه دي چې هغه يې اراده کړي وي
• (چا چې په پورته ټولو شیانو ګواهي ورکړه نو) الله جل جلاله به یې جنت ته داخل کړي که هر څومره عمل یې کړی وي