মৰুভূমিত বসবাস কৰা এজন ব্যক্তিয়ে নবী চাল্লাল্লাহু আলাইহি অছাল্লামক সুধিলে যে, কিয়ামত কেতিয়া সংঘটিত হ'ব? তেতিয়া নবী চাল্লাল্লাহু আলাইহি অছাল্লামে তেওঁক ক'লেঃ তুমি ইয়াৰ বাবে কি কি নেক আমল কৰিছা? প্ৰশ্নকৰ্তাই উত্তৰত ক'লেঃ মই ইয়াৰ বাবে কোনো ডাঙৰ আমল কৰা নাই, কিন্তু এইটো নিশ্চিত যে, মই আল্লাহ আৰু তেওঁৰ ৰাছুলক অত্যন্ত মুহাব্বত কৰোঁ। ব্যক্তিজনে ইয়াৰ বাহিৰে বেলেগ কোনো আন্তৰিক, শাৰীৰিক বা আৰ্থিক ইবাদত সম্পৰ্কে একো উল্লেখ কৰা নাই। কাৰণ এই সকলোবোৰ হৈছে মুহাব্বতৰ শাখা-প্ৰশাখা। কিয়নো প্ৰকৃত মুহাব্বতে ব্যক্তিক নেক আমল কৰিবলৈ উৎসাহিত কৰে তথা প্ৰেৰণা দিয়ে। তেতিয়া নবী চাল্লাল্লাহু আলাইহি অছাল্লামে তেওঁক ক'লেঃ নিশ্চিতভাৱে তুমি জান্নাতত তেওঁৰেই সংগ লাভ কৰিবা, যাক তুমি ভালপোৱা। নবী চাল্লাল্লাহু আলাইহি অছাল্লামৰ এই সুসংবাদ শুনি চাহাবাসকলে অত্যন্ত আনন্দিত হ'ল। হাদীছটোৰ শেষত বৰ্ণনাকাৰী আনাছ ৰাদ্বিয়াল্লাহু আনহুৱে কৈছে যে, ময়ো নবী চাল্লাল্লাহু আলাইহি অছাল্লামক ভালপাওঁ, লগতে আবু বকৰ আৰু ওমৰকো ভাল পাওঁ। সেয়ে আশা কৰোঁ, তেওঁলোকৰ সংগী হোৱাৰ সৌভাগ্য লাভ কৰিম। যদিও মই তেওঁলোকৰ দৰে আমল কৰিব পৰা নাই।

• প্ৰশ্নকৰ্তাৰ উত্তৰ দিয়াৰ ক্ষেত্ৰত নবী চাল্লাল্লাহু আলাইহি অছাল্লামৰ হিকমত। কাৰণ তেওঁ প্ৰশ্নকৰ্তাক সেই পথ দেখুৱাইছে যিটো তাৰ বাবে গুৰুত্বপূৰ্ণ তথা মুক্তিৰ পথ। সেয়া হৈছেঃ আখিৰাতত উপকৃত হ'বলৈ নেক আমলৰ দ্বাৰা প্ৰস্তুতি লোৱা।
• মহান আল্লাহে কিয়ামত সম্পৰ্কীয় জ্ঞান বান্দাৰ পৰা উহ্য ৰাখিছে, যাতে বান্দাই আল্লাহৰ সাক্ষাতৰ বাবে সদায় প্ৰস্তুত হৈ থাকে।
• আল্লাহ আৰু তেওঁৰ ৰাছুল, লগতে মুমিনসকলৰ মাজৰ পূণ্যৱান লোকসকলক মুহাব্বত কৰাৰ ফজিলত। এইদৰে মুশ্বৰিকসকলৰ মুহাব্বতৰ পৰা সতৰ্ক কৰা হৈছে।
• নবী চাল্লাল্লাহু আলাইহি অছাল্লামৰ বাণীঃ তুমি তেওঁৰেই সংগ লাভ কৰিবা, যাক তুমি ভালপোৱা। ইয়াৰ অৰ্থ এইটো নহয় যে, তুমি তেওঁৰ সমমৰ্যাদা লাভ কৰিবা বা সেই শ্ৰেণীত অন্তৰ্ভুক্ত হ'বা। বৰং ইয়াৰ দ্বাৰা বুজোৱা হৈছে যে, তুমিও জান্নাতত প্ৰৱেশ কৰিবা আৰু ইজনে সিজনক লগ কৰাৰ সুযোগ লাভ কৰিবা, যদিও বাসস্থান দূৰত হয়।
• এই হাদীছটোৰ দ্বাৰা মুছলিমসকলক উৎকৃষ্ট তথা উপকাৰী বিষয়ত ব্যস্ত থকাৰ প্ৰতি উৎসাহিত কৰা হৈছে। লগতে এনেকুৱা বিষয়ত প্ৰশ্ন ত্যাগ কৰাৰ নিৰ্দেশনা দিয়া হৈছে যিটো অলাগতিয়াল।

1. মুখ্য পৃষ্ঠা
2. আক্বীদাহ
3. আখিৰাতৰ প্ৰতি ঈমান
4. হাদীছ

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. উপদেশ আৰু দিহা-পৰামৰ্শ
4. অন্তৰৰ আমলসমূহ
5. হাদীছ

• “সকলো কাম (ৰ প্রাপ্য) হ’ব নিয়্যত অনুযায়ী, আৰু মানুহে তাৰ নিয়্যত অনুযায়ী প্রতিফল পাব।
• যেতিয়া কোনো মুছলিমক কোনো বিপদে স্পৰ্শ কৰে, তেতিয়া তেওঁ যদি, আল্লাহে যি হুকুম কৰিছে সেইটোৱে হৈছে বুলি কৈ ইন্না লিল্লাহি ওৱা ইন্না ইলাইহি ৰাজিঊন। (ছুৰা আল-বাক্বাৰাহঃ ১৫৬) (অৰ্থাৎ আমি আল্লাহৰ বাবেই আৰু আল্লাহৰ ওচৰতেই আমাৰ প্ৰত্যাৱৰ্তন।) পাঠ কৰ...
• তেওঁ কৈছে আমাক ৰাছুলুল্লাহ চাল্লাল্লাহু ‘আলাইহি অছাল্লামে হাদীছ বৰ্ণনা কৰিছে— যিজন সত্যবাদী আৰু যাৰ কথাক সত্য বুলি মানি লোৱা হয়— তেখেতে আমাক কৈছে: মাতৃগৰ্ভত তোমালোকৰ সৃষ্টি চল্লিশ দিন আৰু চল্লিশ ৰাতিলৈকে শুক্ৰৰূপে জমা হোৱাৰ মাধ্যমত আৰম্ভ হয়...
• তোমালোকৰ সৃষ্টি মাতৃগৰ্ভত চল্লিশ দিনলৈকে শুক্ৰৰূপে জমা হোৱাৰ মাধ্যমত আৰম্ভ হয়,