मरुस्थलका एक बासिन्दाले रसूल (सल्लल्लाहु अलैहि वसल्लम) लाई सोधे: कयामत (प्रलय) कहिले आउँछ? उहाँले उसलाई सोध्नुभयो: तिमीले त्यसको लागि के असल कर्महरू गरेका छौ? प्रश्नकर्ताले जवाफ दिए: "मैले कयामतको तयारीमा कुनै ठूलो कर्म त गरेको छैन, तर म अल्लाह र उहाँका रसूल (सल्लल्लाहु अलैहि वसल्लम) लाई प्रेम गर्छु।" उनले अन्य कुनै आध्यात्मिक, भौतिक वा आर्थिक उपासना बारे केही उल्लेख गरेनन्; किनकि यी सबै उपासनाहरू प्रेमका शाखा र परिणाम हुन् र ती सबै प्रेममै समाहित हुन्छन्। साथै, साँचो प्रेमले नै मानिसलाई पुण्य कर्म गर्न उत्प्रेरित गर्छ। उसको जवाफ सुनेर नबी (सल्लल्लाहु अलैहि वसल्लम) ले भन्नुभयो: पक्कै पनि तिमी जसलाई माया गर्छौ स्वर्गमा उसैसँग हुनेछौ । नबी (सल्लल्लाहु अलैहि वसल्लम) का सहाबा(साथी)हरूयो सुसमाचारबाट अत्यन्त खुसी भए। त्यसपछि अनस (रजियल्लाहु अन्हु) ले भने: उनी अल्लाहको नबी (सल्लल्लाहु अलैहि वसल्लम), अबू बकर र उमर (रजियल्लाहु अन्हुम) लाई माया गर्छन् र उनीहरूले गरे जस्तो कर्महरू गर्न नसके पनि उहाँहरूप्रतिको प्रेमका कारण उहाँहरूसँगै हुने आशा राख्छन्।

• यस हदीसमा अल्लाहका रसूल (सल्लल्लाहु अलैहि वसल्लम) को जवाफमा उहाँको बुद्धिमत्ता र तत्वज्ञान स्पष्ट रूपमा देखिन्छ। उहाँले सोध्ने व्यक्तिलाई कियामत (महाप्रलय) को समय बताउनुको सट्टा त्यसका लागि वास्तवमा महत्त्वपूर्ण र सफलता दिने कुरातर्फ निर्देश गर्नुभयो, र त्यो हो: परलोक (आखिरत) को लागि लाभदायक असल कर्मद्वारा तयारी गर्नु।
• मानिसहरू सदैव अल्लाहसँगको भेटका लागि तयार रहुन् भन्ने उद्देश्यले अल्लाहले मानिसहरूबाट प्रलयको निश्चित समयको ज्ञान गोप्य राख्नुभएको छ।
• यस हदीसमा अल्लाह, उहाँका नबी (सल्लल्लाहु अलैहि वसल्लम) र असल आस्थावानहरूप्रति प्रेम राख्नुको ठूलो महत्ता र सद्गुणबारे उल्लेख गरिएको छ, साथै, बहुदेववादीहरूलाई माया गर्नु वा उनीहरूसँग हार्दिक मित्रता गाँस्नुबाट अत्यन्त कडा चेतावनी र निषेध गरिएको छ।
• नबी (सल्लल्लाहु अलैहि वसल्लम) को यो भनाइ , “तिमी जसलाई प्रेम गर्छौ, उसैसँग हुनेछौ,” को अर्थ यो होइन कि ती दुवैको दर्जा र स्वर्गमा प्राप्त हुने स्थानमा समानता हुनेछ।बरु,यसको अर्थ यो हो कि ती दुवै स्वर्गवासी हुनेछन् र उनीहरूको स्थान जतिसुकै टाढा भए पनि एकअर्कालाई देख्न र भेट्न सक्नेछन्।
• प्रत्येक मुस्लिमलाई आफ्नो हित र अधिकतम लाभका विषयहरूमा मात्रै केन्द्रित हुन र निरर्थक तथा बेकारको कुराहरूमा चासो नराख्न निर्देशन दिइएको छ।

1. home
2. अकीदा
3. अन्तिम दिनमाथि ईमान
4. hadith

1. home
2. सद्गुण र आचरण
3. हृदयस्पर्शी भाषण र प्रवचन
4. हृदयका कार्यहरू
5. hadith

• तिनीहरूले तपाईंलाई धोका दिएको, अवज्ञा गरेको र झूटो बोलेको हिसाब हुनेछ
• अल्लाहलाई बलवान् मुमिन (विश्वासी) कमजोर मुमिन भन्दा राम्रो र अधिक प्रिय छ, तर दुवैमा भलाई छ ।...
• रसूल (सल्लल्लाहु अलैहि वसल्लम) प्रायः यो दुआ गर्नुहुन्थ्यो: ‘या मुकल्लिबल-कुलूब, सब्बित कल्बी अला दीनिक’, जसको अर्थ हो: "हे हृदयहरू परिवर्तन गर्ने मेरो पालनकर्ता! मेरो हृदयलाई तपाईंको धर्ममा अडिग बनाउनुहोस्।" मैले भनेँ...
• अल्लाहले तिम्रो रूप र धनलाई हेर्नुहुन्न, तर तिम्रो हृदय र कर्महरूलाई हेर्नुहुन्छ ।